fbpx

حالات میں بہتری آنے لگی :سعودی حکومت کا پاکستانی طلبہ کو اسکالر شپ دینے کا اعلان

ریاض :حالات میں بہتری آنے لگی :سعودی حکومت کا پاکستانی طلبہ کو اسکالر شپ دینے کا اعلان ،اطلاعات کے مطبق سعودی حکومت کی جانب سے پاکستانی طلبہ کو اسکالر شپ دینے کا اعلان کیا گیا ہے۔

سعودی عرب میں پاکستان کے سفیر بلال اکبر نے کہا کہ اسکالر شپ 75 فیصد پاکستان اور 25 فیصد سعودی عرب میں زیر تعلیم طلبہ کے لیے ہے جس کے تحت سعودی عرب کی 25 جامعات میں پاکستانی طلبہ تعلیم حاصل کریں گے۔

انہوں نے کہا کہ اسکالر شپ کے ذریعے پاکستانی طلبہ ڈپلومہ، بیچلرز، ماسٹرز اور پی ایچ ڈی کرسکیں گے، اسکالر شپ میں قانون، انجینئر، ایڈمنسٹریشن، معاشیات اور کمپیوٹر سائنس کے مضامین شامل ہیں۔

بلال اکبر کا کہنا تھا کہ اسکالر شپ میں ہر سال طلبہ کی تعداد میں اضافہ ہوتا رہےگا جب کہ اس حوالے سے سعودی وزارت تعلیم کی شرائط پاکستانی سفارت خانے کی ویب سائٹ پر موجود ہیں۔

دوسری طرف ایسے طالب علم بھی سامنے آئے ہیں جن کا کہنا ہے کہ سعودی عرب میں زیرتعلیم وہ طالب علم جو کورونا کے دنوں میں پاکستان واپس آئے تھے اب ان کے باقی سمسٹرجو رہتے ہیں ان کو پورا کرنے کےلیے حکومت اپنا اثرورسوخ استعمال کرے اورپاکستانی طالب علموں‌کو سعودی تعلیمی اداروں میں تعلیم مکمل کرنے کےلیے بھیجے

Facebook Notice for EU! You need to login to view and post FB Comments!