fbpx

سعودی عرب کا پاکستانی طلباوطالبات کے لیے اسکالرشپ کا اعلان

سعودی عرب نے پاکستانی طلباوطالبات کے لیے 25فیصد جامعات میں اسکالرشپ کا اعلان کیا ہے۔

باغی ٹی وی :اسکالرشپ ڈپلومہ، ماسٹرز، پی ایچ ڈی کے600 طلبا کو دی جائے گی۔75 فیصد اسکالرشپس ایسے طلباوطالبات کی دی جائیں گی جو پاکستان سے اپلائی کریں گے اور25 سعودی عرب میں مقیم پاکستانیوں کو دی جائیں گی درخواستیں جمع کروانے کے عمل میں سفارتخانہ پاکستان بھی معاونت کرے گا۔

اس سے قبل سعودی عرب کی وزارت ثقافت نے ثقافتی اسکالرشپ پروگرام کے تحت مزید 149 طلبہ وطالبات کو دنیا کی بہترین اور معیاری جامعات میں اسکالرشپ کے تحت اعلیٰ تعلیم کے لیےبھیجنے کا فیصلہ کیا تھا –

اقوام متحدہ نے افغانستان کے لئے ہنگامی فنڈز جاری کر دیئے

اس پروگرام کے تحت سعودی طلبہ وطالبات کو بین الاقوامی یونیورسٹیوں اور بین الاقوامی تعلیمی اداروں میں وظائف پر بھیجا جائے گا۔ اسکالرشپ حاصل کرنے والوں میں طلبہ کا تناسب 26 فی صد اورطالبات کا 74 فی صد ہے۔

وزارت ثقافت نے وضاحت کی تھی کہ مستقبل قریب میں اعلیٰ تعلیم شروع کرنے والے مرد اور خواتین انڈرگریجویٹس کا تناسب 50 فی صد تک پہنچ گیا ہے جبکہ ماسٹر کے طلبہ کی شرح 49 فی صد اور پی ایچ ڈی طلبہ کی شرح ایک فی صد تک پہنچ گئی ہے۔ ان طلبہ وطالبات کو مختلف تخلیقی شعبوں میں تقسیم کیا گیا ہے۔ان میں ادب ، لسانیات، ڈیزائن ، بصری فنون، تھیٹر ، لائبریری سائنس ، عجائب گھر ، میوزک ، آثار قدیمہ ، کوکنگ آرٹ، فن تعمیر ، فلم سازی اور فیشن ڈیزائن جسے شعبے شامل ہیں۔

یورپی یونین : پاکستان کی جی ایس پی پلس حیثیت میں توسیع کر دی گئی

وزارت ثقافت نے واضح کیا تھا کہ ثقافتی اسکالرشپ پروگرام طلبہ اور طالبات کے لیے دنیا میں بہترین تعلیمی پروگرام مہیا کرتا ہےاور اسکالرشپ پر طلبہ کو دوسرے ممالک میں قائم معیاری جامعات میں داخلہ دلوا کر ان کی تعلیمی صلاحیتوں میں اضافے کے لیے کوشاں ہے۔

بیان میں کہا گیا تھا کہ سعودی طلبہ کو کولمبیا یونیورسٹی ، جارج ٹاؤن یونیورسٹی ، کیلی فورنیا کی پارسنز کالج یونیورسٹی ، برکلے ، پراٹ انسٹی ٹیوٹ ، مشی گن اسٹیٹ یونیورسٹی ، جنوبی کیلی فورنیا یونیورسٹی ، رائل کالج آف لیٹرز اینڈ آرٹس ، رائل اکیڈمی آف کلینری آرٹس ، کوئین میری یونیورسٹی آف لندن ، آسٹریلیا نیشنل یونیورسٹی اور نیو یارک یونیورسٹی جیسے تعلیمی اداروں میں اسکالرشپ پر بھیجا جاتا ہے۔

کشمیری اور پاکستانی کمیونٹی کا اقوام متحدہ کے سامنے تاریخ کے سب سے بڑے احتجاجی مظاہرے کا اعلان

Facebook Notice for EU! You need to login to view and post FB Comments!