fbpx

ویسٹ انڈیز کے خلاف دوسرا ٹیسٹ: پاکستان کو جیت کیلئے 4 وکٹیں درکار:جیت بہت قریب آگئی

کنگٹسن :ویسٹ انڈیز کے خلاف دوسرا ٹیسٹ: پاکستان کو جیت کیلئے 4 وکٹیں درکار:جیت بہت قریب آگئی ،اطلاعات کے مطابق پاکستان اور ویسٹ انڈیز کے درمیان سیریز کا دوسرا ٹیسٹ اہم مرحلے میں داخل ہوگیا ہے جہاں مہمان ٹیم کو جیت کے لیے 4 وکٹیں جبکہ میزبان کو 209 رنز درکار ہیں۔

کنگسٹن میں کھیلے جارہے سیریز کے دوسرے ٹیسٹ کے آخری روز پاکستان کی جانب سے دیے گئے 329 رنز کے ہدف کے تعاقب میں ویسٹ انڈیز نے کھیل شروع کیا تو اسکور ایک وکٹ پر 49 رنز تھا۔

 

 

شاہین شاہ آفریدی نے پاکستان کو پہلی وکٹ دلاتے ہوئے الزاری جوزف کو 17 رنز کی انفرادی اننگز پر آؤٹ کردیا، جس کے بعد حسن علی نے بونر کو 2 رنز بنانے کے بعد پویلین بھیج دیا۔

ویسٹ انڈیز کا اسکور جب 73 رنز پر پہنچا تھا تو حسن علی نے نئے آنے والے بلے باز روسٹن چیز کی وکٹیں اڑا دیں اور انہیں کھاتہ کھولنے کی بھی اجازت نہیں دی۔جرمین بلیک ووڈ نے کپتان کریگ بریتھویٹ کے ساتھ مل کر ٹیم کے 100 رنز مکمل کیے۔

 

 

 

نعمان علی نے پاکستان کو اہم کامیابی دلائی اور 25 رنز پر کھیلنے والے بلیک ووڈ کو محمد رضوان کے ہاتھوں کیچ کروا دیا۔ویسٹ انڈیز کے کپتان بریتھویٹ 39 رنز بنا کر نعمان علی کی وکٹ بن گئے تو میزبان ٹیم شدید مشکلات کا شکار ہوگئی۔ویسٹ انڈیز نے 6 وکٹوں پر 120 رنز بنا لیے ہیں۔

قبل ازیں پاکستان نے پہلی اننگز میں 302 رنز بنائےتھے، جس کے جواب میں شاہین شاہ آفریدی کی تباہ کن باؤلنگ کے باعث ویسٹ انڈیز کی پوری ٹیم 150 رنز پر آؤٹ ہوگئی تھی۔پاکستان نے دوسری اننگز 6 وکٹوں پر 176 رنز بنا کر ڈیکلیئر کردی تھی اور ویسٹ انڈیز کو جیت کے لیے 329 رنز کا ہدف دے دیا تھا۔