مصر:سیلابی ریلوں سے بچھوؤں کی بہتات، کاٹنے سے 3 افراد ہلاک 500 زخمی

0
30

قاہرہ: مصر میں شدید بارشوں نے تباہی مچادی شدید طوفانی بارشوں اور سیلابی ریلوں سے بچھوؤں کی بہتات کاٹنے سے 500 سے زائد افراد زخمی جبکہ 3 افراد جاں بحق ہوگئے۔

باغی ٹی وی : یہ واقعہ مصر کے تاریخی جنوبی شہر اسوان میں پیش آیا ہے یہاں موجود دریائے نیل کے پاس جمعے کو شدید بارشوں کا سلسلہ شروع ہوا اگرچہ اس علاقے میں زہریلے بچھوؤں کی بہتات ہے اور بارش کے بعد کے اکثر وہ رہا ئشی علا قوں کا رخ کرلیتے ہیں تاہم اس بار گرد چمک کے ساتھ تیز ہواؤں غیرمعمولی شدید بارشوں اور سیلابی ریلوں نے بچھوؤں کو ان کے بلوں سے نکال کر دوردراز علاقوں تک پہنچادیا جنہوں نے وہاں موجود لوگوں پر حملہ کردیا۔

رپورٹ کے مطابق طبی مراکز میں بچھو زہر کا تریاق یعنی اینٹی وینم کی بڑی خوراکیں پہنچائی گئی ہیں جبکہ اسپتالوں میں ایمرجنسی نافذ کرکے ڈاکٹروں کی چھٹیاں منسوخ کردیں گئیں ہیں محکمہ صحت نے لوگوں س کہا ہے کہ وہ بیابان، سبزے اور درختوں کے قریب نہ جائیں اور گھروں تک محدود رہیں۔

یاد رہے کہ مصر میں موٹی دم والا بچھو عام پایا جاتا ہے جو انتہائی مہلک زہر رکھتا ہے اسی طرح ایک اور سیاہ بچھو بھی عام ہے جس کا کاٹا ایک گھنٹے میں جان لے سکتا ہے بچھو کے کاٹنے کی صورت میں شدید جلن، جسم میں درد، چکر اور سانس میں دقت جیسی علامات پیدا ہوتی ہیں اور بروقت طبی امداد نہ ملنے پر موت واقع بھی ہوسکتی ہے مصر میں کسی بھی علامت سے قبل ہی بچھوکے ڈنک کے شکار لوگوں کو اینٹی وینم ویکسین لگائی جارہی ہے۔

Leave a reply