بطور وزیر اعلیٰ غربت کا خاتمہ ،صحت اور تعلیم میری اولین ترجیح ہے، مریم نواز

انطالیہ: وزیر اعلیٰ پنجاب مریم نواز نے کہا ہے کہ میں تعلیم کے سفیر کے طور پر کام کر رہی ہوں، بچیوں کو تعلیم یافتہ بنانا میری ترجیح ہے اور صو بے میں اساتذہ کی تربیت کے لیے اقدامات کیے گئے ہیں-

وزیر اعلیٰ پنجاب مریم نواز نےترکیہ میں بین الاقوامی ڈپلومیسی کانفرنس سے خطاب کرتےہوئےکہا کہ 2024 میں بطور وزیر اعلیٰ منصب سنبھالا،اور بین الاقوامی ڈپلومیسی کانفرنس سے خطاب اعزاز کی بات ہے،صحت اور تعلیم کے شعبے پر توجہ دے رہے ہیں، جبکہ بطور وزیر اعلیٰ صحت، تعلیم اور غربت کا خاتمہ میری اولین ترجیح ہے پنجاب میں صحت اور تعلیم کے شعبے پر خصوصی توجہ دے رہے ہیں۔

مریم نواز نے کہا کہ پنجاب پاکستان کا سب سے بڑا صوبہ ہے اور پنجاب میں تعلیم کے فروغ کے لیے اقدامات کیے ہیں، مجھے پنجا ب کی پہلی خاتون وزیر اعلیٰ منتخب کیا گیا جبکہ پنجاب میں خواتین کو بااختیار بنانے کے لیے کام کر رہے ہیں، پنجاب میں اسکولوں کو جدید ٹیکنالوجی پر منتقل کیا جا رہا ہے، اور میں تعلیم کے سفیر کے طور پر کام کر رہی ہوں، بچیوں کو تعلیم یافتہ بنانا میری ترجیح ہے اور صو بے میں اساتذہ کی تربیت کے لیے اقدامات کیے گئے ہیں جبکہ لاہور میں نواز شریف کے نام سے پہلا انٹرنیٹ سٹی بنانے جا رہے ہیں۔