وزیر خارجہ نے انڈر سیکرٹری جنرل کی جانب سے 97 ملین ڈالر کی انسانی امداد کو سراہا۔
وزیر خارجہ بلاول بھٹو زرداری نے ٹویٹ کرتے ہوئے کہا ہے کہ یو ایس ایڈ ایڈمنسٹریٹر سمانتھا پاور کے ساتھ ایک نتیجہ خیز ملاقات ہوئی ہے.۔وزیر خارجہ بلاول بھٹو زرداری نے پاکستان میں سیلاب سے نمٹنے کے لیے مدد کرنے پر ان کی قیادت کا شکریہ ادا کیا.
وزیر خارجہ نے انڈر سیکرٹری جنرل کی جانب سے 97 ملین ڈالر کی انسانی امداد کو سراہا۔اور کہا کہ ملاقات میں سیلاب سے متاثرہ علاقوں کی بحالی اور تعمیر نو کے لیے طویل المدتی تعاون پر تبادلہ خیال کیا گیا ہے.
Had a productive meeting with USAID Administrator @PowerUSAID. Thanked for her leadership in galvanizing support for flood relief. Appreciated USG’s humanitarian assistance of $97 million. Discussed long-term cooperation for rehabilitation and reconstruction. pic.twitter.com/UkxbYHxXlU
— BilawalBhuttoZardari (@BBhuttoZardari) December 21, 2022
واضح رہے کہ امریکی وزیر خارجہ انٹونی بلنکن نے بھی اپنے پاکستانی ہم منصب بلاول بھٹو زرداری کو ٹیلی فون کیا اور دہشت گرد حملوں میں جانوں کے ضیاع پر افسوس کا اظہار کیا۔ ٹوئٹر پیغام میں امریکی وزیر خارجہ انٹونی بلنکن نے بتایا کہ اُن کی پاکستانی ہم منصب بلاول بھٹو زرداری سے گفتگو ہوئی ہے جس میں سیلاب زدگان کی حمایت کے حوالے سے یقین دہانی کرائی گئی ہے۔
انہوں نے کہا کہ سیلاب زدگان کی مسلسل مدد کی حمایت کرتے ہیں، آئندہ ماہ ایک نتیجہ خیز موسمیاتی کانفرنس کیلئے پرامید ہوں۔ امریکی وزیرخارجہ نے پاکستان میں ہونے والے حالیہ دہشت گردانہ حملوں میں جانی نقصان پر افسوس کا اظہار کرتے ہوئے تعزیت بھی کی۔
Spoke with Pakistani Foreign Minister @BBhuttoZardari to express our continued support for the people of Pakistan as they recover from devastating floods. I hope for a productive climate conference next month and give my condolences for the lives lost in recent terrorist attacks.
— Secretary Antony Blinken (@SecBlinken) December 20, 2022
قبل ازیں وزیرخارجہ بلاول بھٹو نے نجی ٹٰی وی چینل کو انٹرویو دیتے ہوئے کہا تھا کہ پاکستان اور امریکا کے درمیان دوستانہ تعلقات ہیں، پاکستان کو سیلاب کے باعث مسائل کا سامنا رہا۔ انہوں نے کہا تھا کہ ملک سے دہشت گردی کے مکمل خاتمے کے لیے پرعزم ہیں، پاکستان اور امریکا کے درمیان تعلقات اہمیت کے حامل ہیں۔
پی ٹی آئی رہنما شیریں مزاری کے شوہر انتقال کرگئے
