
پشاور:بتا دو ان کو!سینیٹ انتخابات وقت سے پہلے ہونے جارہے ہیں : وزیراعظم عمران خان کے پیغام نے اپوزیشن کی چولیں ہلادیں،اطلاعات کے مطابق وزیراعظم نے کہا ہے کہ سینیٹ الیکشن وقت سے پہلے کروائیں گے، شو آف ہینڈز کے ذریعے الیکشن کے لیے سپریم کورٹ سے رجوع کر رہے ہیں، اٹارنی جنرل نے معاملے پر تفصیلی بریفنگ دی۔
وزیراعظم عمران خان نے پشاور میں صحافیوں سے گفتگو کرتے ہوئے کہا کہ حکومت کے لیے سینیٹ انتخابات میں ہارس ٹریڈنگ آسان ہوتا ہے، ہم نے 20 ایم پی ایز کو پارٹی سے نکالا، ہم شفاف انتخابات پر یقین رکھتے ہیں، وزیراعظم نے اشارہ دیتے ہوئے کہا کہ سینیٹ الیکشن سے اپوزیشن کو بھاگنے نہیں دیں گے ، اپوزیشن کوڈرہے کہ جو ان کے اراکین ان کوقانونی سازی میں رکاوٹ ڈال کربچانے کی کوشش کررہے ہیں وہ نکل گئے تو پھر کیا ہوگا ، انہوںنے ڈائیلاگ کی بات کی تو اپوزیشن نے 34 صفحات کا این آر او مانگ لیا، این آر او کسی صورت نہیں دوں گا۔
عمران خان کا کہنا تھا کہ اپوزیشن کے خلاف کیسز ہماری حکومت میں نہیں بنے، اپوزیشن جن کیسز کا سامنا کر رہی وہ ماضی میں قائم ہوئے، ہماری حکومت کو اپوزیشن سے کوئی خطرہ نہیں، پہلے دن کہا تھا یہ سارے چور ڈاکو اکھٹے ہو جائیں گے،
وزیراعظم نے صحافیو ں سے گفتگوکرتے ہوئے کہاکہ آج پی ڈی ایم کے نام پر یہ سارے ایک ہو چکے ہیں، یہ کہتے ہیں ہم نے کب این آر او مانگا، انہوں نے نیب ترامیم کے معاملے پر لکھ کر این آر او مانگا، انہوں نے جو ترامیم دیں اس کا مطلب نیب کو دفن کرنے کے مترادف تھا، پوری قوم نے دیکھا جب یہ جلسہ کر رہے تھے تو میں کتنا پریشان تھا۔