ﺇﻧَّﺎ ﻟِﻠّٰﻪ ﻭﺇﻧَّﺎ ﺇﻟَﻴْﻪِ ﺭَﺍﺟِﻌُﻮْﻥ:سینئر صحافی رحیم اللہ یوسف زئی انتقال کر گئے

پشاور:ﺇﻧَّﺎ ﻟِﻠّٰﻪ ﻭﺇﻧَّﺎ ﺇﻟَﻴْﻪِ ﺭَﺍﺟِﻌُﻮْﻥ:سینئر صحافی رحیم اللہ یوسف زئی انتقال کر گئے ،اطلاعات کے مطابق پاکستان میں افغان امور کا اصلی ماہر بہترین صحافی اور کئی نامور صحافیوں کے استاد ملا عمر سے ملاقات کرنے والے واحد صحافی رحیم اللہ یوسفزئی انتقال کر گئے۔

۔ تفصیلات کے مطابق ملک کے ایک اور سینئر و نامور صحافی اس دنیا سے رخصت ہو گئے۔ خیبرپختونخواہ کے دارالحکومت پشاور میں مقیم سینئر صحافی رحیم اللہ یوسفزئی جمعرات کی رات کو انتقال کر گئے۔ سینئر صحافی کے اہل خانہ نے ان کے انتقال کی تصدیق کر دی۔

رحیم اللہ یوسف زئی ملک میں ماہر افغان امور کے طور پر بھی جانے جاتے تھے، اس کے علاوہ شمالی پاکستان کے امور سے متعلق بھی انہیں ماہر تصور کیا جاتا تھا۔

رحیم اللہ یوسفزئی کو صحافی خدمات کے اعتراف میں 2004 میں تمغہ امتیار جبکہ سال 2009 میں ستارہ امتیار سے نوازا گیا تھا۔

اہل خانہ کے مطابق سینئر صحافی کافی عرصہ سے شدید علیل تھے اور جمعرت کے روز 67 برس کی عمر میں اس دنیا میں ان کا سفر اختتام پذیر ہو گیا۔

رحیم یوسفزئی 1954 میں پشاور میں پیدا ہوئے تھے اور ان کی نماز جنازہ کل بروز جمعہ صبح 11 بجے پشاور میں ادا کی جائے گی۔

سینئر صحافی اور ماہر افغان امور کے انتقال پر ملک کی نامور و اعلیٰ شخصیات اور صحافتی برادری کی جانب سے گہرے رنج و غم کا اظہار کیا گیا ہے