جوبائیڈن کے لیے مشکلات ہی مشکلات : بے روزگاری الاؤنس کے لیے سات لاکھ 42 ہزار نئی درخواستیں آگئیں
Mandatory Credit: Photo by CRISTOBAL HERRERA/EPA-EFE/Shutterstock (10605681k) People queue to receive the printed Unemployment Benefits application in the parking lot of Kennedy Library in Hialeah, Florida, USA, 07 April 2020. Hundreds of residents lined up hours before locations were scheduled to open Tuesday across Hialeah, to submit paper applications for unemployment benefits as the state attempts to address problems with its website amid the increased number of applicants during the widespread of the SARS-CoV-2 coronavirus which causes the Covid-19 disease. People file unemployment appliacations in Hialeah, USA - 07 Apr 2020
واشنگتن : جوبائیڈن کے لیے مشکلات ہی مشکلات : بے روزگاری الاؤنس کے لیے سات لاکھ 42 ہزار نئی درخواستیں ،اطلاعات کے مطابق نومنتخب امریکی صدر جوبائیڈن کوعہدہ سنبھالنے سے پہلے ہی بہت سی مشکلات کا سامنا کرنا پڑرہا ہے ، ادھر امریکی محکمہ محنت نے جمعرات کو کہا ہے کہ ملک میں کرونا وائرس کے بڑھتے ہوئے مریضوں کے ساتھ ساتھ گزشتہ ہفتے بے روزگاری الاؤنس کے لیے درخواست دینے والوں میں بھی اضافہ ہوا ہے، جس سے دنیا کی سب سے بڑی معیشت کو ایک نئے خطرے کا سامنا ہے۔
لیبر ڈیپارٹمنٹ کی رپورٹ کے مطابق، سات لاکھ 42 ہزار بے روزگار افراد نے الاؤنس کے حصول کیلئے نئی درخواستیں دائر کیں ہیں، جو کہ گزشتہ ہفتے کے مقابلے میں 31 ہزار زیادہ ہیں۔ یہ مسلسل پانچواں ہفتہ ہے جب کہ بے روزگاری الاونس کے لیے درخواست دینے والوں کی تعداد آٹھ لاکھ سے کم ہے۔
محکمہ محنت کا کہنا ہے کہ کل چھ اعشاریہ چار ملین افراد بے روزگار ہیں، جب کہ نومبر کے پہلے ہفتے بے روزگاری کی شرح چار اعشاریہ تین فی صد تھی۔
بے روزگاری کی شرح میں اس سال ماہِ اپریل کے مقابلے میں نمایاں کمی ہوئی ہے جب بے روزگاری کی شرح 14 اعشاریہ سات فیصد تھی۔تاہم امریکہ میں کرونا وائرس کے ایک لاکھ 70 ہزار نئے متاثرین کے اندراج کے بعد، مختلف ریاستوں کے گورنروں اور میئرز نے کاروباری سرگرمیوں پر نئی قدغنیں عائد کرنا شروع کر دی ہیں، جنہیں مہینوں پہلے وائرس متاثرین میں کمی کے بعد نرم کر دیا گیا تھا۔
کاروباری سرگرمیوں پرنئی پابندیوں سے خردہ فروشی کے اسٹور اپنے اوقات کار میں کمی کر سکتے ہیں، ریستوران بند ہو سکتے ہیں، اور اینٹرٹینمنٹ اور آرٹ کے مراکز بھی اپنے لائیو شو معطل کر دیں گے جس کے پیش نظر یہ کہا جا سکتا ہے کہ مزید امریکی کارکنوں کو آئندہ ہفتوں میں اپنی ملازمتوں سے برخواست ہونا پڑ سکتا ہے کیونکہ موسم سرما کے آغاز سے کھلی فضا میں اس طرح کی سرگرمیوں کا انعقاد ممکن نہیں رہے گا۔
اس سال اپریل میں جب کرونا وائرس نے امریکی معیشت کو تباہ کرنا شروع کیا تھا تو اس وقت بے روزگاری کی شرح چار اعشاریہ ایک فی صد تھی، اس کے بعد سے گزشتہ 27 ہفتوں کے دوران تقریباً ایک تہائی کارکن اپنے روزگار سے محروم چلے آ رہے ہیں۔
امریکی محکمہ کامرس نے تین ہفتے قبل کہا تھاکہ امریکی معیشت میں جولائی تا ستمبر کے دوران سات اعشاریہ چار فیصد اضافہ ہوا ہے۔
تاہم تجزیہ کاروں کے نزدیک، اگر کاروباری سرگرمیوں پر پابندیوں میں اضافہ کیا جاتا ہے، خصوصی طور پر اگر ریستورانوں کے اندر بیٹھنے پر پابندی لگائی جاتی ہے تو اس سال کے آخری تین مہینوں میں امریکی معیشت کی شرح نمو سستی کا شکار ہو گی۔
Leave a reply
