ننکانہ میں سیوریج مسائل کے حل نہ ہونے پر ڈپٹی کمشنر ننکانہ کا اظہار برہمی

ننکانہ صاحب میں پرانا سیوریج مسائل کے حل نہ ہونے پر ڈپٹی کمشنر ننکانہ احمر نائیک کا اظہار برہمی
نکاسی آب کے باعث خراب ہونے والے روڈ کی فوری مرمت اور ذمہ داران کے خلاف قانونی کاروائی کی جائےڈپٹی کمشنر ننکانہ احمر نائیک
باغی ٹی وی – ننکانہ( احسان اللہ ایاز ) نکاسی آب سمیت تمام بنیادی سہولیات کی فراہمی ضلعی انتظامیہ کی بنیادی اور اولین ترجیح ہے۔عوام کے ان بنیادی مسائل کے حل میں کسی بھی قسم کی کوتاہی ناقابل برداشت ہے ڈپٹی کمشنر ننکانہ احمر نائیک نے ان خیالات کا اظہار پرانا ننکانہ میں سیوریج مسائل کے حوالے سے منعقدہ اجلاس میں کیا۔کمیٹی روم میں منعقد ہونے والے اجلاس میں ایڈیشنل ڈپٹی کمشنر ریونیو جنت حسین نیکوکارہ، پبلک ہیلتھ،تحصیل کونسل، میونسپل کمیٹی سمیت متعلقہ ضلعی محکمہ جات کے افسران نے شرکت کی۔ڈپٹی کمشنر احمر نائیک نے اس موقع پر پرانا ننکانہ میں نکاسی آب کے مسائل حل نہ ہونے پر اظہاربرہمی کرتے ہوئے ذمہ دار ان کے خلاف فوری قانونی کاروائی سمیت سیوریج مسائل کے باعث خراب ہونے والے روڈ کی فوری مرمت کے احکامات بھی جار ی کئے