پاکستان شوبز انڈسٹری کے معروف اداکار شان شاہد نے حکومت سے ملکہ ترنم نور جہاں کے گھر کو میوزیم میں تبدیل کرنے کا مطالبہ کیا ہے-
باغی ٹی وی :گزشتہ دنوں حکومت نے خیبرپختونخوا میں تاریخی مقامات کی بحالی کے لیے 5 کروڑ روپے مختص کرنے کا اعلان کیا تھا۔جن تاریخی مقامات کی بحالی کے لیے رقم مختص کی گئی تھی ان میں بولی وڈ کے لیجنڈری اداکاروں راج کپور اور دلیپ کمار کے آبائی گھر بھی شامل تھےراج کپور اور دلیپ کمار کے علاوہ پشاور میں شاہ رخ اور ونود کھنہ سمیت دیگر بولی وڈ اداکاروں کے بھی آبائی گھر موجود ہیں۔
Madam Noor jahans house has become a plaza … sad our legends deserve it to
— Shaan Shahid (@mshaanshahid) September 18, 2020
اس خبر پر اداکار شان شاہد نے سماجی رابطے کی ویب سائٹ ٹوئٹر پراپنے ٹوئٹ میں کہا کہ افسوس میڈم نور جہاں کا گھر پلازہ بن گیا ہے ہمارے لیجنڈز بھی اس کے حقدار ہیں۔
She Sold that house out of her own will ,where as the other house in question is a totally different story.
— vasay chaudhry (@vasaych) September 19, 2020
شان شاہد کی ٹوئٹ پر ادکار واسع چوہدری نے اپنے ٹوئٹ میں نشاندہی کی کہ نور جہاں نے وہ گھر اپنی مرضی سے فروخت کیا تھا جبکہ ان کا دوسرا گھر مکمل طور پر ایک الگ کہانی ہے۔
The govt should have paid for her house and made it a madam Noor jehan museum..
— Shaan Shahid (@mshaanshahid) September 19, 2020
جس کے جواب میں شان شاہد نے کہا کہ حکومت کو اس گھر کی ادائیگی کرنی چاہیے تھی اور اسے میوزیم میں تبدیل کرنا چاہیے تھا۔
تاہم واسع چوہدری شان شاہد کی اس بات سے متفق نہیں ہوئے اور لکھا کہ سر میں آپ سے اختلاف کرتا ہوں حکومت نے میڈم نور جہاں کو سول ایوارڈز اور دیگر اعزازات سے ان کی زندگی میں ہی نواز دیا تھا۔
I disagree Sir, The govt commemorated her with Civil awards & other aclodes in her life time.
It was her private property and
Buying her house ( specially when she was not even in the need for money) doesn't make sense , given the economic situation of our country.— vasay chaudhry (@vasaych) September 19, 2020
انہوں نے کہا کہ یہ گھر ان کی نجی ملکیت تھا اورہمارے ملک کی معاشی صورتحال کے پیش نظر اپنا گھر خریدنا (خاص طور پر جب انہیں پیسوں کی ضرورت بھی نہیں تھی) کوئی معنی نہیں رکھتا۔
خیال رہے کہ ملکہ ترنم نور جہاں 23 دسمبر 2000 کو 74 برس کی عمر میں انتقال کر گئی تھیں۔
حکومت پاکستان کی جانب سے انہیں سب سے بڑے سول اعزازستارہ امتیازاورتمغہ امتیازسے نوازا گیا جب کہ 1987 اور2002 میں انہیں لائف ٹائم اچیومنٹ ایوارڈزسے بھی نوازا گیا۔
انھوں نے مجموعی طورپر10 ہزارسے زائد غزلیں وگیت گائے جن میں ان کا سب سے پہلا گانا ’مجھ سے پہلی سی محبت میرے محبوب نہ مانگ‘ بے پنا ہ ہٹ ہوا جس نے ملکہ ترنم کوکامیابیوں کے نئے سفرپرگامزن کردیا۔