شہباز گل کا نواز شریف کی افغان نیشنل سیکیورٹی چیف اور وزیر مملکت سے ملاقات پر رد عمل

0
25
شہباز-گل-کا-نواز-شریف-کی-افغان-نیشنل-سیکیورٹی-چیف-اور-وزیر-مملکت-سے-ملاقات-پر-رد-عمل #Baaghi

وزیراعظم کے معاون خصوصی برائے سیاسی امور ڈاکٹر شہباز گل نے نواز شریف کی افغان نیشنل سیکیورٹی چیف اور وزیر مملکت سے ملاقات پر رد عمل دیا ہے-

باغی ٹی وی : شہباز گل نے ٹوئٹر پر جاری بیان میں کہا کہ پاکستان کو گندی گالی دینے والے شخص سے نواز شریف کی ملاقات تازہ ڈویلپمنٹ ہے کیا اس سے واضح نہیں ہو جاتا کہ نواز شریف کا ایجنڈا کیا ہے؟

انہوں نے کہا کہ معلوم ہوا ہے کہ افغان وزیر میاں نواز شریف کے لئے مودی کا خاص پیغام لائے ہیں پاکستان کو گالی دینے والے شخص کی اور نواز شریف کی”باہمی دلچسپی” کے اموراسکے علاوہ ہو بھی کیا سکتےہیں-

شہباز گل نے کہا کہ کشمیر ہماری شہ رگ ہے قوم اور فوج اسکے چپے چپے کی محافظ ہے،پاک فوج کے خلاف زہر اگلنے اور مودی سے جھپیاں ڈالنے والے شخص کو ایک بار پھر کشمیریوں کے جذبات سے نہیں کھیلنے دیں گے۔

شہباز گل نے کہا کہ باوثوق زرائع سے معلوم ہوا ہے کہ اس ملاقات میں مسٹر محب میاں نواز کے لئے مودی کا خاص پیغام لائے۔ کشمیر کے الیکشن کے نتائج کو متنازعہ بنایا جائے گا۔ تا کہ آزاد کشمیر اور مقبوضہ کشمیر کے الیکشنوں کو ایک سا دیکھایا جائے۔میاں-محب-مودی ، ملاقات اسی منافقانہ ایجنڈا پر ہوئی ہے-

اس سے قبل شہباز گل نے کہا تھا کہ آزاد کشمیر انتخابات کے حوالے سے گیلپ پاکستان کا سروے چھانگا مانگا سیاست کے پروردہ چہروں کے منہ پر تمانچہ ہے
تقریباً%67نے عمران خان کو بطور رہنما پسند کیا تقریباً%44لوگوں کے مطابق 25جولائی21 کو پی ٹی آئی انتخابات میں کامیابی حاصل کرے گی%53عوام کے مطابق الیکشنز آزادانہ ہوں گے-

انہوں نے کہا تھا کہ انتخابات سے قبل نااہل لیگ نے بھارت نواز بیانیہ بیچنے کی کوشش کی اور اب انتخابات میں متوقع دھاندلی کا پرانا چورن بیچنے کی کانام کوشش کی، پہلے جیت کا جشن اور بعد میں دھاندلی کا رونا ن لیگ کا پرانا وطیرہ ہے جسے گیلپ کے سروے نے بری طرح بے نقاب کیا-

Leave a reply