fbpx

شادی سے انکارپر 24 سالہ لڑکی پر تیزاب پھینکنے والا ملزم گرفتار

سری نگر: جموں و کشمیر پولیس نے شادی سے انکار پر 24 سالہ لڑکی پر تیزاب پھینکنے میں ملوث تین افراد کو گرفتار کر لیا-

باغی ٹی وی : بھارتی میڈیا کے مطابق پائین شہر کے عثمانیہ کالونی وانٹہ پورہ کے نزدیک یکم فروری منگل کی شام سری نگر پولیس کو ایک اطلاع موصول ہوئی ہے کہ حول علاقے میں ایک 24 سالہ لڑکی پر تیزاب پھینکنے کا واقعہ پیش آیا ہے-

بھارتی خاتون صحافی کو بی جے پی کارندوں کیجانب سے قتل اور ریپ کی دھمکیاں

ترجمان پولیس نے بدھ کے روز بتایا کہ اطلاع موصول ہونے پر پولیس اسٹیشن نوہٹہ میں اس واقعے کا مقدمہ درج کیا گیا اور اس ضمن میں فوری طور پر تحقیقات شروع کی گئیں ’واقعے کی گھناؤنی نوعیت کے پیش نظر ایس ایس پی سری نگر نے فوری طور پر ایس پی شمالی سری نگر راجا زوہیب کی قیادت میں ایک خصوصی تحقیقاتی ٹیم تشکیل دی‘۔

پولیس کے مطابق زمینی سطح کی ابتدائی تحقیقات اور تکنیکی تجزیہ کرنے کے بعد ایک مشتبہ شخص کا نام سامنے آگیا جس کی بنا پر اس واقعے میں ملوث اصلی ملزم ساجد الطاف راتھر ولد محمد الطاف راتھر سکان بچھوارہ ڈلگیٹ کو گرفتار کیا گیا،ایس آئی ٹی نے اس واقعے میں کردار نمایاں ہونے کے بعد اصلی ملزم کو گرفتار کیا‘۔

پولیس نے بتایا کہ ابتدائی پوچھ گچھ کے دوران یہ بات سامنے آئی کہ ملزم کو متاثرہ لڑکی میں دلچسپی تھی چونکہ لڑکی نے ملزم کی شادی کی پیشکش کو ٹھکرایا تھا جس وجہ سے وہ اس کو ستا رہا تھا، ملزم جو ایک میڈیکل شاپ میں کام کرتا تھا، یکم فروری کی شام ایک اسکوٹی پر اس جگہ کی طرف روانہ ہوگیا جہاں متاثرہ لڑکی دوسرے ملزم جس کو گرفتار کیا گیا، کے ساتھ کام کرتی تھی۔

11 سالہ لڑکے کے ساتھ جنسی زیادتی کرنے پر بھارتی فوجی اہلکار گرفتار

پولیس نے بتایا کہ جب متاثرہ لڑکی شام کو گھر لوٹ رہی تھی تو ملزم نے اس کا تعاقب کرکے اس پر تیزاب پھینکا اور واپس دکان کی طرف بھاگ گیا اس جرم میں استعمال کی جانے والی اسکوٹی کو بھی ضبط کیا گیا ملزم نے تیزاب اپنے ایک شناسا جو انٹرنیشنل موٹرس میں ایک مکینک کی حیثیت سے کام کرتا ہے، سے لیا تھا جس کو مزید پوچھ گچھ کے لئے گرفتار کیا گیا ہے۔

پولیس کے مطابق اس ورک شاپ کو سیل کرنے کے لئے قانونی عمل شروع کیا گیا کیونکہ اس کے ایک ملازم کی طرف سے ہائی کورٹ کی ہدایات کی خلاف ورزی کرتے ہوئے تیزاب بیچا تھا بیان میں سری نگر کے تمام دکانداروں سے تاکید کی گئی ہے کہ وہ تیزاب بیچنے کے لئے سپریم کورٹ کی ہدایات پر عمل کریں۔

شرقپورمیں 7سالہ بچی کو اغوا کے بعد قتل کرنے والا سفاک قاتل گرفتار