دفاع وطن کی خاطر شہید ہونے والے جوان ہمارا فخر ہیں، فردوس عاشق اعوان

دفاع وطن کی خاطر شہید ہونے والے جوان ہمارا فخر ہے . پوری قوم ان کو خراج تحسین پیش کرتی ہے.فردوش عاشق اعوان

باغی ٹی وی رپورٹ کے مطابق وزیر اعظم کی معاون خصوصی برائے اطلاعات ڈاکٹر فردوس عاشق اعوان نے ٹویٹ کرتےہوئے کہا ہے کہ .بھارت کے کشمیر کے حوالے سے حالیہ اقدام سے خطے میں کشمیدگی بڑھی ہے ،بھارت کے جارحانہ عزائم خطے کے لیے خطرہ ہیں.بھارت ایل او سی کے دونوں جانب کشمیریوں کو ظلم و بربریت کا نشانہ بنا رہاہے .ایل او سی پر بھارت کی بلا اشتعال بمباری کی مزمت کرتےہیں.دفاع وطن کی خاطر قربان ہونے والے فوجی جوان ہمارے لیے اثاثہ ہیں.یہ نوجوان ہمارا فخر ہیں اور پوری قوم ان کو خراج تحسین پیش کرتی ہے.
واضح رہے کہ گذشتہ روز بھی بھارتی فوج کی جانب سے ایل او سی پر بلا اشتعال فائرنگ سے 4 پاکستانی جوان شہید ہوگئے تھے، پاک فوج نے موثر جوابی کارروائی کرتے ہوئے 5 بھارتی فوجی ہلاک اور متعدد کو زخمی کیا جبکہ کئی بھارتی بنکرز تباہ کئے۔

شہید ہونے والے جوانوں میں نائیک تنویر، لانس نائیک تیمور اور سپاہی رمضان شامل ہیں۔ نائیک تنویر اور سپاہی رمضان کا تعلق خانیوال سے جبکہ لانس نائیک تیمور کا تعلق لاہور سے ہے۔

پاکستان نے بھارتی ڈپٹی ہائی کمشنر کو دفتر خارجہ طلب کر کے شدید احتجاج کیا تھا۔ وزیراعظم عمران خان نے بھی بھارتی اشتعال انگیزی کی مذمت کی اور شہدا کے درجات کی بلندی کیلئے دعا کی۔