پاک چین دوستی خطے میں امن واستحکام کی ضامن ہے، شاہ محمود قریشی سے چینی ہم منصب کی ملاقات

پاکستان کے وزیر خارجہ شاہ محمودقریشی اورچینی ہم منصب کےدرمیان ملاقات ہوئی ہے جس میں دوطرفہ تعلقات،امن وامان کی صورتحال پرتبادلہ خیال کیا گیا

باغی ٹی وی کی رپورٹ کے مطابق ملاقات میں دونوں وزرائےخارجہ نے خطےمیں قیام امن کیلئےمل کرکام کرنے پراتفاق کیا، وزیر خارجہ شاہ محمود قریشی کا کہنا تھا کہ پاک چین دوستی دیرینہ،مستحکم اورلازوال ہے، پاک چین دوستی خطے میں امن واستحکام کی ضامن ہے، دونوں ممالک نےہرمشکل گھڑی میں ایک دوسرے کاساتھ دیا،

بھارت کی ایک اور جھوٹی کہانی بے نقاب، ڈی جی آئی ایس پی آر نے کی باغی ٹی وی کی خبر کی تصدیق

شاہ محمود قریشی کا مزید کہنا تھا کہ بھارتی اقدامات نےخطےکےامن کوخطرات سےدوچارکردیا، بھارت نےمقبوضہ کشمیرمیں مسلسل کرفیونافذکررکھاہے، مقبوضہ کشمیرمیں انسانی حقوق کی خلاف ورزیاں عروج پرہیں، سیکیورٹی کونسل میں پاکستان کی حمایت پرچین کےممنون ہیں، پاکستان نےافغان امن عمل میں مصالحانہ کرداراداکیا، پاکستان نےدوحہ اورابوظہبی میں امن مذاکرات کی معاونت کی،

قبل ازیں چین کے وزیر خارجہ وانگ ژی سہ ملکی مذاکرات میں شرکت کیلئے اسلام آباد پہنچ گئے۔ نور خان ایئربیس بیس پہنچنے پر وزیر خارجہ شاہ محمود قریشی نے چینی ہم منصب کا استقبال کیا۔

چینی وزیر خارجہ پاکستان پہنچ گئے، شاہ محمود قریشی نے کیا استقبال

واضح رہے کہ پاکستان افغانستان اور چین کے درمیان سہ فریقی مذاکرات آج اسلام آباد میں ہونگے۔ تین ممالک کے مابین مذاکرات میں افغان امن عمل اور خطے کی صورتحال پر بات چیت ہوگی۔چین کے وزیر خارجہ وانگ ثی مذاکرات میں شرکت کے لیے آج اسلام آباد پہنچیں گے۔

مذاکرات میں پاکستانی وفد کی قیادت وزیرخارجہ شاہ محمود قریشی جبکہ چینی وفد کی قیادت چینی وزیرخارجہ وانگ ژی کرینگے جبکہ افغان وفد کی قیادت افغان وزیرخارجہ صلاح الدین ربانی کریں گے

پاک چین اقتصادی راہداری کی افغانستان تک توسیع ایجنڈےکاحصہ ہے،افغان امن ومفاہمتی عمل پرسہ فریقی مشاورت کی جائے گی،افغان مفاہمتی عمل پراب تک کی پیشرفت کا جائزہ لیا جائے گا،افغانستان کےاندرترقیاتی عمل میں پاک چین کردارپربات چیت ہوگی