شاہ محمود قریشی کا او آئی سی سیکرٹری جنرل سے ٹیلیفونک رابطہ، کشمیر کی تازہ صورتحال پر گفتگو

0
22

وزیر خارجہ شاہ محمود قریش نے اسلامی ممالک کی تنظیم (او آئی سی) کے سیکرٹری جنرل سے ٹیلیفونک رابطہ کیا اور مقبوضہ جموں و کشمیر کی صورتحال پر تبادلہ خیال کیا ہے،

باغی ٹی وی کی رپورٹ کے مطابق اس دوران مقبوضہ کشمیر میں جاری مسلسل کرفیو اور انسانی حقوق کی سنگین خلاف ورزیوں کے حوالے سے بات چی تکی گئی، شاہ محمود قریشی کا کہنا تھا کہ مقبوضہ جموں و کشمیر کے نہتے مسلمانوں پرظلم و ستم کے پہاڑ توڑے جا رہے ہیں، کشمیری مسلمانوں کو عید اور جمعہ کی نمازیں تک ادا نہیں کرنے دی گئیں، ذرائع مواصلات پر مکمل پابندی عائد ہے تاکہ حقائق دنیا کے سامنے نہ آ سکیں، بھارت نے اپوزیشن کے وفد کو جو راہول گاندھی کی قیادت میں مقبوضہ جموں و کشمیر کی صورتحال ملاحظہ کرنا چاہتا تھا اسے سری نگر ائیرپورٹ سے واپس جانے پر مجبور کر دیا گیا، ان حالات میں مقبوضہ جموں و کشمیر کے مسلمان او آئی سی کی طرف نظریں جمائے بیٹھے ہیں،

وزیر خارجہ کا کہنا تھا کہ او آئی سی سے مقبوضہ جموں و کشمیر کی تشویشناک صورتحال پر اپنا موثر کردار ادا کرنے کی توقع رکھتے ہیں، او آئی سی کے سیکرٹری جنرل نے اس ساری صورتحال پر تشویش کا اظہار کرتے ہوئے کہا کہ او آئی سی نے اس سلسلے میں پہلے بھی او آئی سی کنٹکٹ گروپ کا اجلاس طلب کیا تھا اور اب بھی ہم اس ساری صورتحال پر گہری نظر رکھے ہوئے ہیں، دونوں رہنماؤں کا اس سلسلے میں مشاورت جاری رکھنے کا فیصلہ کیا ہے،

Leave a reply