مشکل گھڑی میں ترکی کیساتھ ہیں:ترکو!ہم حاضرہیں،خدمت کا موقع دیں: شاہ محمود قریشی کا زلزلے پراظہارافسوس،امداد کی پیشکش

اسلام آباد :مشکل گھڑی میں ترکی کیساتھ ہیں:ترکو!ہم حاضرہیں،خدمت کا موقع دیں: شاہ محمود قریشی کا زلزلے پراظہارافسوس،امداد کی پیشکش ،اطلاعات کے مطابق شاہ محمود قریشی نے ترکی میں زلزلے سے قیمتی جانوں کے ضیاع پر اظہار افسوس کرتے ہوئے کہا کہ ترک بہن بھائیوں کے دکھ میں برابر کے شریک ہیں۔

ان خیالات کا اظہار وفاقی وزیر خارجہ شاہ محمود قریشی نے ترکی میں آنے والے زلزلے کے نتیجے میں ہونے والے جانی نقصان پر اظہار افسوس کرتے ہوئے کیا، انہوں نے کہا کہ مشکل کی گھڑی میں حکومت پاکستان اور عوام ترک حکومت اور عوام کے ساتھ ہیں۔غمزدہ لواحقین کے ساتھ اظہار تعزیت کرتے ہیں اور زخمیوں کی جلد صحتیابی کے لیے دعاگو ہیں۔

شاہ محمود قریشی نے کہا کہ اس گھڑی میں ترک بہن بھائیوں کے دکھ میں برابر کے شریک ہیں اور حکومت پاکستان ترک بھائیوں ہر ممکن مدد کےلیے تیار ہے۔

خیال رہے کہ کچھ دیر قبل برادر اسلامی ملک ترکی کے مختلف شہروں میں 7.0 شدت کا زلزلہ آیا جس کے نتیجے میں کئی عمارتیں زمین بوس ہوگئیں جبکہ سمندری پانی شہری آبادی والے علاقوں میں داخل ہوگیا۔اطلاعات یہ ہیں کہ اب تک 15 سے زائد افراد ہلاک ہوچکے ہیں

ترک میڈیا رپورٹ کے مطابق زلزلے سے سب سے زیادہ متاثر ہونے والا علاقہ ازمبیر ہے جہاں دس سے زائد عمارتیں زمین بوس ہوئیں، علاوہ ازیں مغربی حصے میں واقع علاقوں میں بھی زلزلے کے شدید جھٹکے محسوس کیے گئے۔

جواب چھوڑیں

آپ کا ای میل ایڈریس شائع نہیں کیا جائے گا.