پی ٹی آئی چیئرمین عمران خان کو اب اپنے بھی جھوٹا ثابت کرنے لگے،وزیر داخلہ پنجاب نے عمران خان کے جھوٹ کا پول کھول دیا.
باغی ٹی وی کے مطابق پی ٹی آئی کے صوبائی وزیر داخلہ کرنل( ر) ہاشم نے اپنے ہی پارٹی چیئرمین اور سابق وزیراعظم عمران خان کو جھوٹا ثابت کر دیا.سابق وزیراعطم عمران خان نے اپنے چیف آف سٹاف پر گرفتاری کے بعد تشدد کرنے کا دعویٰ کیا اور سماجی رابطے کی ویب سائٹ ٹویٹر پر کہا کہ شہبازگِل پرکئےجانےوالےجسمانی تشدد کی شدیدمذمت کرتاہوں۔
شہبازگِل پرکئےجانےوالےجسمانی تشدد کی شدیدمذمت کرتاہوں۔کس قانون کےتحت اور کس کےاحکامات پراسےنشانۂ ستم بنایاجارہاہے؟اگر اس نےکوئی قانون توڑاہےتو اسےصفائی پیش کرنےکاموقع دیاجاناچاہئے۔ مگرمحض مجرموں کی امپورٹڈ حکومت بچانےکیلئےپوری ڈھٹائی سےآئین اورتمام قوانین پامال کئےجارہےہیں۔
— Imran Khan (@ImranKhanPTI) August 12, 2022
عمران خان کا مزید کہنا تھا کہ کس قانون کےتحت اور کس کےاحکامات پراسےنشانۂ ستم بنایاجارہاہے؟اگر اس نےکوئی قانون توڑاہےتو اسےصفائی پیش کرنےکاموقع دیاجاناچاہئے۔ مگرمحض مجرموں کی امپورٹڈ حکومت بچانےکیلئےپوری ڈھٹائی سےآئین اورتمام قوانین پامال کئےجارہےہیں.
شہباز گل بالکل ٹھیک ہیں ،مارنے کا سوال ہی پیدا نہیں ہوتا،وزیرداخلہ پنجاب
سابق وزیراعظم کے جھوٹ کا پول اس وقت کھلا جب وزیر داخلہ پنجاب و جیل خانہ جات محمد ہاشم ڈوگر نےاڈیالہ جیل راولپنڈی کا دورہ کیا،صوبائی وزیر داخلہ محمد ہاشم ڈوگر نے اس موقع پر میڈیا سے گفتگو کرتے ہوئے کہا کہ راولپنڈی اڈیالہ جیل کا دورہ کرکے انتظامات سے مطمئن ہوں۔ انہوں نے کہا کہ قیدیوں کی ایک مہینے کی قید کی معافی کا اعلان کرینگے، قیدیوں کے مسائل دیکھے اور انشاء اللہ ان مسائل کو حل بھی کریں گے ۔
شہبازگل کے ڈرائیور کے بھائی کی عبوری ضمانت منظور
صوبائی وزیر داخلہ و جیل خانہ جات پنجاب نے بتایا کہ شہباز گل سے ان کی ملاقات ہوئی ہے وہ بالکل ٹھیک ہیں۔ صوبائی وزیر کا کہنا تھا کہ شہباز گل کو برہنہ کرکے مارنے کا سوال ہی پیدا نہیں ہوتا۔انہوں نے کہا کہ پی ٹی آئی چیئرمین عمران خان سے ملوں گا ان کو شہباز گل کی صحت بارے بتاؤں گا۔ شہباز گل بالکل خیریت سے ہیں۔انہوں نے کہا کہ شہباز گل سے کافی سارے لوگوں نے ملاقات کی ہے۔ شہباز گل فیڈرل کا کیس ہے اڈیالہ جیل صرف اسکی کسٹودین ہے۔ صوبائی وزیر داخلہ کرنل ہاشم ڈوگر نے کہا کہ پنجاب میں 40 سے زائد جیلیں موجود ہیں. سابق وزیر اعلیٰ نے جیل میں بہت سا کام کیا.جیل میں سیکیورٹی اور کھانے کا اچھا انتظام ہے.قیدیوں کی ایک ماہ معافی کا اعلان کرو گا.
