fbpx

شہبازکو معاف اور نواز شریف کی سزا کو کالعدم کرنا چاہیے،ریحام خان

عمران خان کی سابقہ اہلیہ ریحام خان کا کہنا ہے کہ شہباز شریف کو معاف اور نواز شریف کی سزا کو کالعدم کرنا چاہیے۔

ٹوئٹر پرجاری پیغام میں ریحام خان نے کہا کہ ‘شہباز شریف کو معاف کر دینا چاہیے اور نواز شریف کی سزا کو کالعدم کرنا چاہیے،واضح طور پر کہوں تو یہ جنگ کا وقت ہے’۔

ریحام نے لکھا ‘244 سیٹوں کے ساتھ سب سے بھاری مینڈیٹ رکھنے والے وزیراعظم کو اس بنیاد پر نااہل قرار دیا گیا کہ انہوں نے اپنے بیٹے سے تنخواہ نہیں لی’۔

ٹوئٹر پر جاری بیان میں ریحام خان نے کہا کہ ‘میں پی ٹی آئی والوں کو دیکھتی ہوں جو مجھ سے ذاتی طور پر پارٹی چیئرمین کی اصل کہانی پر بات کرتے ہیں لیکن پھر وہ ہی مذہب کارڈ استعمال کرتے ہوئے اپنے لیڈر کی ویڈیوز پوسٹ کرتے ہیں’۔

ریحام خان نے عمران خان سمیت ان افراد کو ‘منافقین’ کہا اور ٹوئٹ میں پی ٹی آئی کارکنان کے بارے میں مزید لکھا کہ ‘آپ لوگ صرف خود کو دھوکا دے رہے ہیں’۔ اس سے قبل نھی سابق وزیراعظم عمران خان کی سابق اہلیہ ریحام خان پاکستان تحریک انصاف کی پالیسیوں اور عمران خان پر تنقید کرتی رہتی ہیں ،حال ہی میں ریحام خان نے ے اپنی طلاق اور اس کے بعد پیش آنے والے مسائل سے متعلق ٹویٹ کر دیا۔

ریحام خان نے امریکی شہر شکاگو میں سابق شوہر کی جانب سے قتل کی جانے والی پاکستانی فوٹوگرافر ثانیہ خان کی موت کی خبر پر ردعمل دیا اور اپنی طلاق کا وقت یاد کیا۔عمران خان کی سابق اہلیہ نے لکھا کہ ‘مجھے طلاق لینے میں کئی سال لگے اور اس وقت مجھے فیملی کی طرف سے کوئی تعاون حاصل نہیں تھا، نہ ہی میری کمیونٹی میں میرا کوئی دوست تھا،

ریحام خان نے سماجی رابظے کی ویب سائٹ ٹوئتر پرلکھا کہ ‘اپنے آپ کو اور اپنے بچوں کو محفوظ رکھنے کے لیے میری جدوجہد پی ٹی آئی کے ٹرولرز کے لیے میرے خلاف غلط باتیں بولنے کا بہانہ بن گئیں، میرے دوسرے شوہر (عمران خان) نے اسے میرے خلاف استعمال کیا، طلاق جرم نہیں بلکہ زندگی کا حق ہے۔‘