شہباز شریف 9 جون اتوار کو پاکستان آئیں گے، سلمان شہباز کے بعد مریم اورنگ زیب نے بھی تصدیق کر دی

مسلم لیگ ن کے صدر اور قومی اسمبلی میں قائد حزب اختلاف شہباز شریف 9 جون کو پاکستان واپس پہنچیں‌ گے. ان کے صآحبزادے سلمان شہباز کے بعد مسلم لیگ ن کی ترجمان مریم اورنگ زیب نے بھی ان کی واپسی کی خبروں کی تصدیق کر دی ہے.

باغی ٹی وی کی رپورٹ کے مطابق مریم اورنگ زیب کا کہنا ہےکہ شہباز شریف اتوار کی صبح چار بج کر پچاس منٹ پر وطن واپس آئیں‌ گے. ترجمان مسلم لیگ ن سے قبل سلمان شہباز نے سماجی رابطے کی ویب سائٹ ٹویٹر کے ذریعہ اپنے والد کی واپسی کی خبر دی تھی.

مریم اورنگ زیب کا کہنا تھا کہ دو درجن جھوٹ بولنے والے ترجمانوں میں سے نصف نوکری سے ہاتھ دھو بیٹھے ہیں. شہباز شریف کی وطن واپسی سے حکومت اور اس کے ترجمان ایک مرتبہ پھر جھوٹے ثابت ہو گئے ہیں۔ یاد رہے کہ شہباز شریف کی لندن موجودگی کے دوران یہ باتیں کی جاتی رہی ہیں‌ کہ اب وہ واپس نہیں‌ آئیں‌ گے.

جواب چھوڑیں

آپ کا ای میل ایڈریس شائع نہیں کیا جائے گا.