شہباز شریف کے وکیل سپریم کورٹ میں دوران سماعت بے ہوش

سابق وزیر اعلیٰ پنجاب شہباز شریف کے وکیل کیس کی سماعت کےد وران عدالت میں بے ہو ش ہو گئے

باغی ٹی وی کی رپورٹ کے مطابق شہباز شریف کے وکیل اشتر اوصاف سپریم کورٹ میں تھے، شہباز شریف کی ضمانت منسوخی کیس کی سماعت کے دوران دلائل دیتے ہوئے اشتر اوصاف اچانک گر پڑے اور بے ہوش ہو گئے. جس پرڈاکٹر کو عدالت میں طلب کیا گیا، ڈاکٹر یاسر نے شہباز شریف کے وکیل کا معائنہ کیا اور انہیں قریبی ہسپتال منتقل کرنے کی ہدایت کی جس پر انہیں ایمبولینس کے ذریعہ ہسپتال منتقل کر دیا گیا.

واضح رہے کہ شہباز شریف کے وکیل کی طبیعت خراب ہونے پر کیس کی سماعت کرنے والے جج جسٹس عظمت سعید نے ان کی صحت کے بارے معلوم کیا اور آج کی تاریخ کے تمام کیسز ملتوی کر دئیے