قومی اسمبلی مچھلی منڈی بن گئی،شہباز شریف کا آصف زرداری و دیگر کے پروڈکشن آرڈر جاری کرنے کا مطالبہ

سپیکر قومی اسمبلی اسد قیصر کی زیر صدارت قومی اسمبلی کا اہم اجلاس جاری ہے جبکہ اپوزیشن لیڈر شہباز شریف نے بجٹ اجلاس کے دوران تقریر کرنے سے قبل آصف زرداری اور سعد رفیق کے پروڈکشن آرڈر جاری کرنے کا مطالبہ کیا ہے. اس موقع پر اختر مینگل بھی اپوزیشن ارکان کے ساتھ اپوزیشن نشستوں‌ پر کھڑے ہو گئے.

باغی ٹی وی کی رپورٹ‌ کے مطابق شہبازشریف کی تقریر کے دوران اپوزیشن ارکان شور شرابہ کرتے رہے اور ایوان میں پروڈکشن آرڈر جاری کرو کی نعرے بازی کی جاتی رہی. اس موقع پر سپیکر قومی اسمبلی نے کہا کہ وہ آصف زرداری، سعد رفیق، علی وزیر اور محسن داوڑ کے پروڈکشن آرڈر جاری کرنے کے معاملہ پر قانونی رائے لے رہے ہیں. اس قیصر نے شہباز شریف سے کہا کہ آپ اپنی تقریر شروع کریں. اسمبلی چلانا حکومت اور اپوزیشن کی مشترکہ ذمےداری ہے. اسپیکر کے بار بار کہنے کے باوجود شہبازشریف کا پروڈکشن آرڈر جاری کرنے پر اصرار کیا جاتا رہا.

شہباز شریف کا کہنا تھا کہ یہ بجٹ سیشن ہے، ہر رکن اسمبلی کا حق ہے وہ اپنے حلقے کے عوام کی نمایندگی کریں، اگر ان ممبران کو ہاؤس میں نہیں بلائیں گےتو کیسے بات ہو سکے گی.آپ بلا تاخیر چاروں ارکان کے پروڈکشن آرڈرجاری کریں، واضح رہے کہ پہلے بھی بجٹ اجلاس ہنگامہ آرائی کے سبب ملتوی ہو گیا تھا.

جواب چھوڑیں

آپ کا ای میل ایڈریس شائع نہیں کیا جائے گا.