شہباز شریف کی پاکستان واپسی کب ہو گی؟ سلیمان شہباز نے اعلان کر دیا

مسلم لیگ ن کے صدر اور قومی اسمبلی میں‌ قائد حزب اختلاف میاں‌ شہباز شریف 8 جون کو پاکستان واپس آئیں گے.

باغی ٹی وی کی رپورٹ کے مطابق شہباز شریف کے بیٹے سلیمان شریف نے سماجی رابطے کی ویب سائٹ ٹویٹر پر اپنے پیغام میں اپنے والد میاں شہباز شریف کی واپسی کی تاریخ کنفرم کرتے ہوئے کہا ہے کہ وہ 8 جون کو وطن واپس لوٹ رہے ہیں.

یاد رہے کہ شہباز شریف 10 اپریل کو طبی معائنے کے لیے برطانیہ گئے تھے جبکہ ان کے بیرون ملک قیام کو مبینہ طور پر خفیہ ڈیل کا نتیجہ قرار دیا جارہا تھا جس پر شہباز شریف نے بیان دیتے ہوئے کہا تھا کہ اگرچہ ان کے جسم سے کینسر کا خاتمہ ہو چکا ہے تاہم وہ معمول کے چیک اپ کیلئے لندن میں‌ ہیں.

میاں‌ شہباز شریف کے وکیل قبل ازیں‌ احتساب عدالت کو اس بات کی یقینی دہانی کروا چکے ہیں‌ کہ شہباز شریف 11 جون تک واپس آئیں‌گے اور وہ عدالت میں‌ پیش ہوں‌ گے.

جواب چھوڑیں

آپ کا ای میل ایڈریس شائع نہیں کیا جائے گا.