شہباز شریف کی زیر صدارت اپوزیشن جماعتوں‌ کا مشترکہ اجلاس، بجٹ سیشن سے متعلق حکمت عملی پر غور

0
24

مسلم لیگ (ن) کے صدر شہبازشریف کی زیر صدارت اپوزیشن جماعتوں کا مشترکہ اجلاس جاری ہے جس میں‌ بجٹ سیشن کےدوران کی حکمت عملی مرتب کی جائے گی.

باغی ٹی وی کی رپورٹ کے مطابق اجلاس میں‌ بلاول بھٹوزرداری،رضاربانی، شیری رحمان، خورشید شاہ، احسن اقبال اور دیگر شریک ہیں. اجلاس میں‌ آصف زرداری،حمزہ شہباز کی گرفتاری کے بعد کی صورتحال پر غور کیا جائے گا. بجٹ اجلاس سے قبل مسلم لیگ نون اور پیپلزپارٹی سمیت دیگر اپوزیشن جماعتوں کے الگ الگ بلائے گئے پارلیمانی اجلاس منسوخ کر دیئے گئے جس پر یہ مشترکہ اجلاس جاری ہے.

واضح رہے کہ کابینہ کا خصوصی اجلاس آج پارلیمنٹ میں ہوگا جبکہ کابینہ اجلاس میں مشیر خزانہ عبد الحفیظ شیخ بجٹ تجاویز پیش کریں گے جس کے بعد کابینہ بجٹ کی منظوری دے گی.

Leave a reply