شہباز شگری کی سابقہ اہلیہ ماڈل عائشہ لینیا اختر نے دوسری شادی کرلی

0
31

پاکستان کیےمعروف ماڈل اور اداکار شہباز شگری کی سابقہ اہلیہ اور فلم میکرماڈل عائشہ لینیا اختر نے دوسری شادی کرلی۔

باغی ٹی وی :ماڈل عائشہ لینیا نے اپنی دوسری شادی کی اطلاع مداحوں کو اپنی ایک انسٹاگرام پوسٹ کے ذریعے دی جس میں انہوں نے شادی کی پروقار تقریب کی چند تصاویر شیئر کیں اور ساتھ طویل کیپشن لکھا۔

ماڈل نے اپنی انسٹاگرام پوسٹ میں بتایا کہ شادی کی سادہ سی تقریب ان کے والدین کے گھر میں ہی منعقد کی گئی، شادی کی تقریب سے دس دن قبل ہی تمام انتظامات مکمل کیے گئے کیونکہ طویل منصوبوں کی قائل نہیں۔

انہوں نے کہا کہ وقت، پیسہ اور ذہنی دباؤ کی بچت کیلئے یہ مختصر تقریب منعقد کی گئی۔

ماڈل نے لکھا کہ انہوں نے اپنی شادی میں اپنا میک اپ اور اسٹائلنگ خود کی ہے لہذا اس میں موجود غلطی یا کوتاہی کو نظر انداز کیا جائے۔

عائشہ نے لکھا کہ شادی کا دن ایک خوشگوار دن تھا جو انہوں نے اپنے قریبی رشتہ داروں کو اور صرف 2 قریبی دوستوں کے ساتھ گزارا اور اسے یادگار بنایا۔

ماڈل نے بتایا کہ دو ہفتوں بعد ہم ایک نئی جگہ تلاش کرنے اور اس میں منتقل ہونے میں کامیاب ہوگئے ، اور تب سے ہی ہم اپنی نئی زندگی کو انجوائے کر رہے ہیں-

انہوں نے لکھا کہ جیون ساتھی ایک نہایت مزاحیہ، حمایت کرنے والے ، حیرت انگیز انسان ہیں، مداحوں کیلئے یہ بھی کہا کہ وہ انہیں انسٹاگرام پر تلاش نہ کریں کیونکہ وہ انسٹاگرام پر ہیں ہی نہیں۔

یاد رہے کہ ماڈل عائشہ لینیا نے اداکار و ماڈل شہباز شگری کے ساتھ ایک دہائی تک رشتۂ ازدواج میں منسلک رہنے کے بعد جون 2018 میں راہیں جدا کر لی تھیں تاہم اب شہباز شگری نے گلوکارہ آئمہ بیگ سے منگنی کرلی ہے –

گلوکارہ آئمہ بیگ اور شہباز شگری نے منگنی کر لی

Leave a reply