ایل این جی سکینڈل، شاہد خاقان عباسی کے ریمانڈ میں مزید کتنی توسیع کر دی گئی؟ اہم خبر

ایل این جی سکینڈل میں گرفتار سابق وزیراعظم شاہد خاقان عباسی کے ریمانڈ میں مزید 14 دن کی توسیع کر دی گئی ہے،

باغی ٹی وی کی رپورٹ کے مطابق قومی احتساب بیورو نیب حکام کی جانب سے مسلم لیگی لیڈر اور سابق وزیراعظم شاہد خاقان عباسی کو ریمانڈ مکمل ہونے پر آج اسلام آباد کی احتساب عدالت میں پیش کیا گیا، اس دوران جج محمد بشیر نے نیب پراسیکیوٹر سے سوال کیا کہ مزید کتنا ریمانڈ چاہیے، جس پر نیب پراسیکیوٹر نے بتایا کہ 14 روز کا مزید ریمانڈ چاہیے، نیب پراسکیوٹر کی اس بات پر سابق وزیر اعظم نے کہاکہ جتنا چاہتے ہیں ریمانڈ دے دیں دوران تفتیش دستاویزات مانگ لیتے ہیں، جو سوالات پوچھ لیتے ہیں، ان کا جواب دے دیتا ہوں،

سابق وزیر اعظم کو احتساب عدالت میں پیش کئے جانے کے موقع پر سکیورٹی کے سخت انتظامات کئے گئے تھے، اس موقع پر کمرہ عدالت میں شاہد خاقان عباسی سے لیگی رہنماؤں خواجہ آصف، مریم اورنگزیب اورمصدق ملک نے ملاقات کی،

احتساب عدالت میں پیشی کے دوران نیب کورٹ کے جج محمد بشیر نے سابق وزیراعظم شاہد خاقان عباسی کا مزید 14 روز کا ریمانڈ دے دیا، نیب کورٹ اسلام آباد نے شاہد خاقان عباسی کا 14 روزہ ریمانڈ منظورکرلیا اور سابق وزیراعظم کو 29 اگست کو دوبارہ پیش کرنے کا حکم دیا ہے، شاہد خاقان عباسی نے عدالت کےباہر میڈیا سے مختصر گفتگو بھی کی،