شیخ رشید کیسی خاتون سے شادی کرنا چاہتے ہیں ؟ علی گل پیر کی مزاحیہ پیروڈی

0
17

پاکستان کے معروف اداکار، گلوکار و کامیڈین علی گُل پیر کی جانب سے معروف سیاست دان شیخ رشید احمد کے ایک انٹرویو کی پیروڈی سوشل میڈیا پر گردش کر رہی ہے-

باغی ٹی وی :علی گُل پیر کی جانب سے معروف شخصیات کے انٹرویوز یا بیانا ت پر بنائی جانے والی ان مزاحیہ ویڈیوز کو انٹرنیٹ صارفین خوب پسند کیا جاتا ہے-

حال ہی میں انہوں نے وفاقی وزیر داخلہ اور سابق وزیر ریلوے شیخ رشید احمد کے انٹرویو پر ایک پیروڈی ویڈیو بنائی ہے جو کہ سوشل میڈیا ویب سائٹ انسٹا گرام پر خوب مقبول ہو رہی ہے ویڈیو میں صحافی خاتون اور شیخ رشید احمد کا کردار علی گُل پیر ہی ادا کر رہے ہیں۔

اصل انٹرویو کے دوران صحافی خاتون شیخ رشید احمد سے دوستی سے متعلق سوال کرتی ہیں جس کے جواب میں شیخ رشید احمد کا کہنا ہے کہ اُن کی نظر میں دوستی کچھ بھی نہیں ہے اُن کا کوئی دوست بھی نہیں ہے وہ تنہا اور اکیلے ہیں۔

شیخ رشید احمد کا مزید کہنا تھا کہ ’شاید اُنہیں لگتا ہے اُنہیں اُن کے لیے ہی بنایا گیا ہے، ایک بار ٹرین یعنی وقت چھوٹ جائے تو پلٹ کر نہیں آتی اور اب اُن کی ٹرین چھوٹ چکی ہےانہوں نے مثال دی کہ ایکسپریس ٹرین کبھی کسی مسافر کا انتظار نہیں کرتی-

خاتون صحافی کی جانب سے مزید سوال کیا گیا کہ اُن کے پاس ابھی بھی شادی کا وقت ہوتا تو اُن کی آئیڈیل خاتون کیسی ہوتیں؟

اس کا جواب دیتے ہوئے شیخ رشید احمد کا کہنا تھا کہ ’وہ قدرتی خوبصورتی پر یقین رکھتے ہیں اور اُنہیں قدرتی خوبصورتی ہی پسند آتی ہے، اور اگر ’بیوٹی وِد برین‘ یعنی خوبصورتی کے ساتھ ذہانت بھی ہو تو انہیں بہت پسند آتی ہے۔

شیخ رشید سے انٹرویو کے دوران خاتون صحافی کا مزید پوچھنا تھا کہ کیا خاتون سانولی سلونی سی ہو ؟

جس پر شیخ رشید احمد کا کہنا ہے کہ کوئی خون خوار سی خاتون ہو جسے دیکھ کر پتہ لگے کے کوئی خاتون ہے۔

Leave a reply