بھارت میں کورونا کی ابتر صورتحال ، شمعون عباسی نے بھارت جو ماضی یاد کرا دیا

شوبز انڈسٹری کے معروف اداکار، ہدایت کار شمعون عباسی نے بھارت میں بے قابو کورونا وبا کی صورتحال میں بھارتیوں کوماضی میں کشمیریوں کے ساتھ کیا جانے والا ظلم و ستم یاد کرا دیا-

باغی ٹی وی : شمعون عباسی نے فیس بُک پر مختلف پوسٹس شیئر کیں جس میں انہوں نے بھارت کے ساتھ اس مشکل وقت میں اظہارِ یکجہتی کیا۔

شمعون عباسی نے کہا کہ ’وہ پتھر پھینکتے ہیں لیکن ہم دعائیں کرتے ہیں ، فرق صاف واضح ہے۔‘

ایک اور پوسٹ میں انہوں نے کہا کہ بھارت کے حالات دیکھ کر بھی اگر پاکستانیوں نے ایس او پیز کی خلاف ورزیاں کیں تو ہمارے یہاں بھی اسپتالوں میں جگہ نہیں ہوگی۔

انہوں نے لکھا کہ پاکستان انشاءاللہ کوویڈ 19 پر قابو پا لے گا مجھے 100 فیصد یقین ہے-

شمعون عباسی کا کہنا تھا کہ میں کسی نسل، انسان یا گروہ کے خلاف نہیں ہوں، میرا اللہ پر پختہ یقین ہے، ایک وہی ہے جسے ہم سب کو راضی رکھنا چاہیئے۔

انہوں نے یہ بھی لکھا کہ دنیا میں ہر ایک کے لیے دعا گو ہوں ، امید ہے کہ بھارت اس وبا سے نبرد آزما ہوتے ہوئے یہ اچھی طرح سمجھ جائے گا کہ برے حالات میں دوسروں کی مدد کردینی چاہئے۔

شمعون نے حالیہ پاک بھارت کشیدگی کے تناظر میں لکھا کہ ’پتھراؤ آپ کی جانب سے ہوتا ہے لیکن ہم یہاں آپ کے اہلِ خانہ اور بچوں کیلئے دعا کرتے ہیں۔

اداکار نے کہا کہ انسانیت قوموں سے بڑی ہے لہذا ہم بھی آپ سے خیر سگالی کے جذبات کی توقع رکھتے ہیں۔

علاوہ ازیں سماجی رابطے کی ویب سائٹ ٹوئٹر پر کشمیر اور بھارت کی فوٹو کا کولاج شئیر کرتے ہوئے لکھا کہ سی نسل یا مذہب کے خلاف نہیں ہے بلکہ یہ کسی قوم کے لئے کرما کی آسان مثال ہے ان لوگوں کے لئے دعائیں جو اپنے پیاروں کو کھو بیٹھیں-

Not against any race or religion but this is simple example of karma for a nation,

Prayers for those who lost their beloved ones pic.twitter.com/wkIKVDOuTt

— Shamoon Abbasi (@shamoonAbbasi) April 25, 2021