باغی ٹی وی کی رپورٹ کے مطابق اداروں کے خلاف تنقید کرنے والے یوٹیوبر نے معافی مانگ لی کہا نادم ہوں
یوٹیوب چینل پر اداروں کے خلاف بغیر تصدیق ویڈیو اپلوڈ کرنے پر جب کاروائی کی گئی تو اس دوران اشفاق نامی یوٹیوبر کو حراست میں لیا گیا۔ گرفتاری کے بعد اشفاق نامی یوٹیوبر نے دوران تحقیقات معافی مانگ لی اور کہا کہ ہم نے بغیر تصدیق آرمی چیف کے حوالہ سے ویڈیو اپلوڈ کی۔ میں اس پر نادم ہوں اور معافی مانگتا ہوں آئندہ بغیر تصدیق کے ویڈیو اپلوڈ نہیں کروں گا
یوٹیوبر اشفاق کے بارے میں باغی ٹی وی کو باخبر ذرائع نے بتایا کہ اشفاق پی ٹی آئی کا کارکن ہے۔ اور حال ہی میں سابق وزیراعظم عمران خان کے ساتھ بنی گالہ میں ڈیجیٹل میڈیا کے نمائندوں سے ہونیوالی ملاقات میں اشفاق بھی شامل تھا۔ اشفاق نے یوٹیوب پر ایک فیک ویڈیو اپلوڈ کی تھی جس پر اسکے خلاف کاروائی کی گئی تھی۔اشفاق کا تعلق جنوبی پنجاب سے ہے جبکہ حال میں وہ پنجاب کے صوبائی دارالحکومت لاہور میں مقیم ہے۔
واضح رہے کہ اداروں کیخلاف مہم میں اب تک جتنی بھی گرفتاریاں ہوئی ہیں سب کا تعلق پی ٹی آئی سے نکلا ہے اور انہوں نے ویڈیو بیان میں معافی مانگی ہے۔ پی ٹی آئی کے سوشل میڈیا ایکٹوسٹ سوشل میڈیا پر اداروں کیخلاف مسلسل مہم چلا رہے ہیں ضرورت اس امر کی ہے کہ ایسے یوٹیوبر شر پسند عناصر جو اداروں کے خلاف تنقید کرتے ہیں انکو معافی کی بجائے سزا ملنی چاہئے تا کہ قومی سلامتی اور ملکی دفاع کے اداروں پر آئندہ کسی کو بات کرنے کی جرات نہ ہو
اداروں کیخلاف مہم۔ لاہور کے یوٹیوبر اشفاق نے گرفتاری کے بعد معافی مانگ لی#Pakistan #PakistanZindabad @OfficialDGISPR pic.twitter.com/QibtsKqc44
— ممتاز حیدر (@MumtaazAwan) October 5, 2022
