چوہدری پرویز الہیٰ سے ن لیگی رکن پنجاب اسمبلی جلیل احمد شرقپوری کی قیادت میں علماء کرام کے وفد کی ملاقات

چوہدری پرویز الہیٰ سے ن لیگی رکن پنجاب اسمبلی جلیل احمد شرقپوری کی قیادت میں علماء کرام کے وفد کی ملاقات

باغی ٹی وی: سپیکر پنجاب اسمبلی چودھری پرویز الٰہی نے کہا ہےکہ فرقہ واریت نے پاکستان کو بہت نقصان پہنچایا ہے۔ توہین رسالت پر : کوئی سمجھوتہ نہیں ہو گا. مسلمانوں کو اب یک آواز ہو کر تمام فورمز پر آواز بلند کرنا ہو گی۔ دنیا اب سمجھ جائے کہ اپنے نبی آخرالزماں محمد رسول اللہ ﷺ کی شان کی خاطر ہم سب ایک ہیں۔
سپیکر پنجاب اسمبلی چودھری پرویزالٰہی سے ن لیگی رکن پنجاب اسمبلی جلیل احمد شرقپوری کی قیادت میں علماء کرام کے وفد نے ان کی رہائش گاہ پر ملاقات کی۔ وفد میں ریاض سلطان الحسن شاہ، مفتی سید عاشق حسین اور پیر اختر رسول قادری شامل تھے۔جلیل احمدشرقپوری اور تمام علماء کرام نے سابق وزیراعظم چودھری شجاعت حسین کی خیریت دریافت کی اور ان کی جلد اور مکمل صحت یابی کیلئے خصوصی دعا بھی کروائی۔ان کا کہنا تھا کہ تحفظ اسلام بل روکا نہیں جانا چاہئے، علماء کے اندر تشویش پائی جاتی ہے۔
دستار اور سنت رسول کی بے حرمتی کرنے والوں اور میرے ساتھ ہونے والے واقعہ کے مرتکب ارکان اسمبلی کے خلاف کارروائی کی جائے.تحفظ اسلام بل پر اللہ تعالیٰ آپ کو جزائے خیر عطا فرمائے۔ ان شاء اللہ تاریخ میں آپ کا نام اس حوالے سے ہمیشہ یاد رکھا جائے گا۔ن لیگی. چودھری پرویزالٰہی وہ پہلے سیاسی رہنما ہیں جنہوں نے پنجاب اسمبلی سے قانون پاس کروا کر خاتم النبیین محمد رسول اللہﷺ، امہات المومنین اور دیگر صحابہ کرام رضوان اللہ علیہم اجمعین کے بارے میں نازیبا مواد پر مشتمل کتب پر فوری پابندی لگائی۔اور ایسے گستاخانہ مواد کو مارکیٹ سے ضبط بھی کروایا۔