شہباز شریف گرفتارہوئے تو ن لیگ کون سا قدم اٹھائے گی، رانا ثناءاللہ نے خبردار کردیا

شہباز شریف گرفتارہوئے تو ن لیگ کون سا قدم اٹھائے گی، رانا ثناءاللہ نے خبردار کردیا

باغی ٹی وی رپورٹ کے مطابق مسلم لیگ ن کے رہنما رانا ثناء اللہ نے نیب کے شہباز شریف کے گھر چھاپہ مارنے پر کہا ہے کہ نیب گھر پر نہیں عدالت می جائے شہباز شریف نے کل ضمانت کی درخواست دائر کی اور کل سماعت ہونی ہے.نیب انتقامی کاروائی کر رہا ہے جو بدنیتی پر مبنی ہےکل 11 بجے سماعت ہو گی نیب گھر کا گھیراو کرنے کی بجائے عدالت آئے ۔
اگر اس طرح کرنا ہے تو پھر سب کو بند کر دیں کوئی عدالت نہیں پہنچ سکتا پھر ۔ کسی کی داد رسی نہیں ہو سکے گی۔

شہباز شریف گرفتار ہوئے تو تحریک چلائی جائے گی اور اپوزیشن کے ساتھ ملکر فیصلہ کریں گے۔ حکومت کا لائحہ عمل صرف انتقامی کاروائی ہے۔ حکومت کی ناکامی لاک ڈاون ۔کرونا وائرس ہے۔ لوگوں کو لوٹا گیا ۔اپوزیشن خاموش نہیں بیٹھے گی عوام کے سامنے سب لائیں گے ÷شہباز شریف پچھلی تاریخ پر پیش ہوئے تھے ۔کرونا خود نیب کے دفتر میں داخل ہو چکا ہے اسلیے شہباز شریف نے کہا کہ ویڈیو لنک پر تحقیقات کر لیں ۔
واضح‌رہے کہ قائد حزب اختلاف میاں شہباز شریف کے گھر 196 ایچ ماڈل ٹاون میں نیب نے چھاپہ مارا ہے نجی ٹی وی چینل نے کہا ہےکہ .شہباز شریف کی عقبی راستے سے فرار ہونے کی کوشش ناکام ہوگئی

پولیس کی بھاری نفری بھی موقع پر موجود ہے، نیب نے آج شہباز شریف کو طلب کیا ہوا تھا لیکن شہباز شریف پیش نہیں ہوئے بلکہ تحریری جواب بھجوا دیا حالانکہ نیب کی جانب سے کہا گیا تھا کہ شہباز شریف کی پیشی کے موقع پر کرونا سے بچاؤ کے لئے تمام انتظامات کئے گئے ہیں

کہا جا رہا ہے کہ نیب ٹیم شہباز شریف کو گرفتار کرنے پہنچی ہے تا ہم حتمی صورتحال کا کچھ دیر میں پتہ چلے گا جس پر قارئین کو آگاہ کر دیا جائے گا
نیب میں شہباز شریف کے نمائندے نے اثاثہ جات کے حوالہ سے تفصیلی جواب جمع کروایا ،شہباز شریف ہائی کورٹ میں قبل از گرفتاری ضمانت کی تاریخ نہ ملنے پر آج نیب میں پیش نہیں ہوئے۔ اس سے قبل شہبازشریف 2 بارکورونا کو جواز بنا کر نیب میں پیش نہیں ہوئے ہیں وہ آخری بار 22 اپریل کونیب میں پیش ہوئے تھے،گزشتہ پیشی پر نیب ٹیم شہباز شریف کے جواب سے مطمئن نہیں ہوئی تھی جس کے بعد انہیں دوبارہ طلب کیا گیا تھا ۔