fbpx

شہباز گل امریکہ سے واپس اسلام آباد پہنچ گئے

شہباز گل امریکہ سے واپس اسلام آباد پہنچ گئے-

باغی ٹی وی : ایئرپورٹ پر قانون نافذ کرنے والے اداروں کو الرٹ کردیا گیا شہباز گل کو اسلام آباد ہائیکورٹ کے احکامات پر گرفتار نہیں کیا گیا شہباز گل کی آمد پر اٹک پولیس بھی اسلام آباد ایئرپورٹ پر موجود تھی-

شہباز گل نے توہین مذہب کے مقدمات پر اسلام آباد ہائیکورٹ سے حفاظتی ضمانت لے رکھی ہے-

میں عمران خان کے ساتھ مشکل وقت میں پوری وفاداری نبھاؤں گا،شہباز گل

واضح رہے کہ اسلام آباد ہائی کورٹ نے توہین مذہب مقدمات میں نامزد ملزم شہباز گل کی حفاظتی ضمانت پر سماعت کا تحریری حکم نامہ جاری کیا تھا جس میں اسلام آباد ہائی کورٹ نے شہباز گل کو عدالت میں پیش ہونے کے لیے 6 مئی تک گرفتار نہ کرنےکی ہدایت کی تھی-

حکم نامے میں کہا گیا تھا کہ ایف آئی اے اور دیگر اتھارٹیز یقینی بنائیں شہباز گل 6 مئی کو ساڑھے10 بجے کورٹ پیش ہوسکیں، 6 مئی کو آئندہ تاریخ سماعت تک شہباز گل کی آزادی کو سلب نہ کیا جائے درخواست کے مطابق شہباز گل بیرون ملک ہیں جن کی 4 مئی کو واپسی ہے-

تحریری حکمنامے میں کہا گیا تھا کہ وکیل کے مطابق سیاسی انتقام کا نشانہ بنانے کے لیے شہباز گل کے خلاف مقدمات درج کیے گئےوکیل نے بتایا شہباز گل متعلقہ عدالتوں میں پیش ہونا چاہتے ہیں، حفاظتی ضمانت منظور کی جائے۔

اسٹیبلشمنٹ سے اپیل کرتا ہوں جلد از جلد الیکشن کروائیں ،شیخ رشید

اس سے قبل شہباز گِل کی جانب سے دائر درخواست میں کہا گیا تھا کہ حفاظتی ضمانت منظور کرکے متعلقہ عدالت میں پیش ہونے کا موقع دیا جائے درخواست میں ان کا موقف تھا کہ اپنے خلاف درج مقدمے میں شامل تفتیش ہونے کو تیار ہوں، میرے خلاف جھوٹی اور من گھڑت ایف آئی آر درج کی گئی ہے۔

واضح رہے کہ پی ٹی آئی نے توہین مذہب کے مقدمات کیخلاف اسلام آباد ہائیکورٹ میں درخواست دائر کی ہے پی ٹی آئی درخواست کے متن میں تحریر ہے کہ ملک بھرمیں درج مقدمات کو ریکارڈ پر لانے کی ہدایت کی جائے پٹشنرز اور اس کے ساتھیوں کے بنیادی حقوق کی خلاف ورزی سے روکا جائے، کس بنیاد پر مقدمات دائر کیے گئے؟ وجوہات سے آگاہ کیا جائےپی ٹی آئی کی درخواست میں استدعا کی گئی ہ کہ ایف آئی اے یا پولیس کا کوئی بھی ایکشن غیر قانونی قرار دے کر کالعدم قرار دیا جائے۔

آرمی چیف کی ایل او سی پر جوانوں کے ساتھ نمازعید