شہبازشریف کا سانحہ اے پی ایس کی برسی پر متاثرہ خاندانوں سے اظہار تعزیت، اہم پیغام دیا
شہبازشریف کا سانحہ اے پی ایس کی برسی پر متاثرہ خاندانوں سے اظہار تعزیت، اہم پیغام دیا
پاکستان مسلم لیگ (ن) کے صدر اور قائد حزب اختلاف شہبازشریف کا سانحہ اے پی ایس کی برسی پر متاثرہ خاندانوں سے اظہار تعزیت کیا ہے،ان کا کہنا تھا کہ اس قومی سانحے پر قوم کے دل آج بھی زخمی ہیں
اپنے معصوم بچوں کے غم میں ذہنی توازن کھو بیٹھنے والی ماوں کو ہم بھلا نہیں سکتے
سانحہ اے پی ایس کے معصوم بچوں کا پاک خون دہشت گردی کے خلاف پاکستان کے عزم کا بین ثبوت ہے
یہ دن پوری دنیا کے لئے پیغام ہے کہ پاکستان کا بچہ بچہ دہشت گردی کے خلاف ہے
رنگ ونسل، مذہب وعقیدہ اور کسی علاقے کی تفریق کے بغیر پاکستانی قوم نے دہشت گردی کے خلاف لہو دیا ہے
سانحہ اے پی ایس نے دہشت گردی کے خلاف پوری قوم کو ایک بیانیہ دیا
معصوم بچوں کے پاک لہو نے ہی پاکستان سے دہشت گردی کے خاتمے میں فیصلہ کن کردار ادا کیا
مسلح افواج، پولیس، قانون نافذ کرنے والے اداروں سمیت پوری قوم کو دہشت گردی کے خلاف عظیم قربانیوں پر سلام پیش کرتے ہیں
ہر شہید ہمارا ہیرو اور اس کے اہلخانہ پاکستان کے حقیقی وارث ہیں
اللہ تعالی شہداءکے درجات کو بلند فرمائے اور پسماندگان کو صبر جمیل دے
