fbpx

مسلم لیگ (ن) کے صدر شہباز شریف گھر کی سیڑھیوں سے گر کر زخمی

قومی اسمبلی میں قائد حزب اختلاف اور مسلم لیگ (ن) کے صدر شہباز شریف اپنے گھر کی سیڑھیوں سے پھسل کر زخمی ہوگئے ہیں۔

باغی ٹی وی : تفصیلات کے مطابق شہباز شریف لاہور میں اپنے گھر کی سیڑھیوں سے پھسل کر زخمی ہوگئے ہیں، پھسلنے سے وہ ایک مرتبہ پھر کمر کی شدید تکلیف سے دوچار ہوگئے ہیں۔

شہباز شریف کے خاندانی ذرائع کا کہنا ہے کہ شہباز شریف کے طبی معالجین نے معائنہ کیا اور ایکسرے لئے ہیں، شہباز شریف کو ڈاکٹروں نے میڈیکل رپورٹس کی روشنی میں 2 ہفتے مکمل آرام کا مشورہ دے دیا ہے ، جس پر انہوں نے تمام سیاسی سرگرمیاں معطل کر دی ہیں۔

بڑے بھائی کو جیل میں گھسیٹنے کی کوشش کی گئی، شہباز شریف کا انکشاف

واضح رہے کہ اس سے قبل برطانیہ کی نیشنل کرائم ایجنسی کی جانب سے منی لانڈرنگ کیس میں کلین چیٹ ملنے پر مسلم لیگ ن کی مرکزی نائب صدر مریم نواز نے اپنے چچا اور پارٹی کے صدر شہبازشریف کو دلچسپ انداز میں مبارک باد دی تھی جس کی ویڈیو سوشل میڈیا پر وائرل ہوئی تھی-

گزشتہ روز طویل پریس کانفرنس کے بعد جب شہباز شریف روانگی کے لیے اپنی گاڑی میں بیٹھے تو مریم نواز اپنے چچا کے قریب آئیں اور کہا کہ ’’ الحمد اللہ انکل مبارک ہو، آپ انٹرنیشنل صادق اور امین ہوگئے۔ اس پر شہباز شریف نے اپنی بھتیجی مریم نواز کا کندھا تھپتھپایا۔

 

سعودی عرب پھرمشکل وقت میں پاکستان کی مدد کوآگیا

Facebook Notice for EU! You need to login to view and post FB Comments!