شہر قائد کراچی میں دھماکا ہو گیا

0
22

شہر قائد کراچی میں دھماکا ہو گیا
باغی ٹی وی کی رپورٹ کے مطابق کراچی کے علاقے محمود آباد میں سلنڈر دھماکے کے نتیجے میں ایک شخص جاں بحق جبکہ دو خواتین زخمی ہوگئیں۔

محمودآباد کے علاقے دو نمبر مکان نمبر سی 94 میں واقع گھر میں سلنڈر زور دار دھماکے سے پھٹنے کے نتیجے میں گھر میں موجود میاں بیوی اور گلی سے گزرتی ایک خاتون زخمی ہوگئی۔ دھماکے کے نتیجے علاقے میں خوف وہراس پھیل گیا جبکہ اطلاع ملتے ہی پولیس۔رینجرز اور علاقہ مکینوں کی بڑی تعداد موقع پر پہنچ گئی اور زخمیوں کو جناح اسپتال منتقل کیا

دوران علاج ایک شخص زخموں کی تاب نہ لاتے ہوئے جاں بحق ہوگیا۔پولیس کے مطابق جاں بحق شخص کی شناخت 33 سالہ عمیر قریشی ولد ابراہیم جبکہ زخمی خواتین کی شناخت 30 سالہ صدف زوجہ عمیر قریشی اور 65 سالہ نسیم بانو زوجہ عابد حسین کے ناموں سے ہوئی ہے۔

پولیس کے مطابق دھماکہ سلنڈر پھٹنے سے ہوا،تا ہم مزید تحقیقات جاری ہیں.

Leave a reply