fbpx

شہری ویکسین لگوائیں100 ڈالر انعام پائیں اعلان کر دیا گیا

امریکی شہر نیویارک میں کورونا ویکسین لگوانے والے شہریوں کو 100 ڈالر دینے کا اعلان کردیا گیا۔

باغی ٹی وی : غیر ملکی خبر رساں ادارے این بی سی نیوز کے مطابق نیو یارک سٹی کے میئر بل ڈی بلیسیو کا منصوبہ ہے کہ زیادہ سے زیادہ لوگوں کو کوویڈ 19 کے خلاف ویکسین لگائی جائے اس کے لئے شہریوں کو 100 ڈالر انعام دینے کی پیشکش کی جائے میئر نے یہ اعلان بدھ کو ایک پریس کانفرنس میں کیا-

جمعہ کے دن سے ، نقد انعام شہر کے باشندوں اور ملازمین کو دیا جائے گا جو حکومتی ویکسینیشن سینٹرز سے ویکسین لگوائیں گے۔ ایک عہدیدار نے پریس کانفرنس میں کہا کہ پہلی ڈوز لینے والوں کو یا تو پہلے سے ادائیگی والا ڈیبٹ کارڈ بھیج دیا جائے گا یا ای میل کے ذریعے فوری طور پر ڈیجیٹل جاری کیا جائے گا۔

میئر نے کہا میں ذاتی طور پر یقین رکھتا ہوں کہ اس بات کی ضمانت اسی وقت موجود ہے اور وہاں آپ کو انعام دیا جائے گا ، مجھے لگتا ہے کہ اس سے لوگوں میں بہت بڑا فرق پڑے گا۔

نیویارک کے میئر نے حکومتی ویکسین سینٹرز سے ویکسین لگوانے والوں کو پیسے دینے کا اعلان کرتے ہوئے کہا کہ منصوبے سے کورونا کا پھیلاؤ روکنے میں مدد ملے گی۔

ایک نیوز بریفنگ کے دوران ان کا کہنا تھا کہ کورونا کیخلاف ویکسی نیشن سب سے اہم ہے، اگر ہم ویکسی نیشن پر بات نہیں کررہے تو اس کا مطلب ہے کہ ہم اس کے حل کی بات نہیں کررہے۔

غیرملکی میڈیا کے مطابق اس اعلان کی بڑی وجہ امریکا میں ڈیلٹا ویریئنٹ کے کیسز کا رپورٹ ہونا ہے۔