ای چالان کے ذریعے شہریوں کو لوٹنے کا نیا طریقہ متعارف

شہریوں کو لوٹنے کا نیا طریقہ متعارف ، اڈوانس میں ای چالان بھیجے جانے لگے

باغی ٹی وی رپورٹ کے مطابق ،ای چالان کے ذریعے شہریوں کو لوٹا جانے لگا، ای چالان کی وجہ سے عوام الناس پر زیادتی کا نیا بازار گرم ہوگیا .ای چلان کے ذریعے عوام پر وہ چالان بھی بھیجے جانے لگے ہیں. جو غلط ہوتے ہیں، ،ٹریفک پولیس اور دیگر متعلقہ محکموں کی جانب سے اب شہریوں‌ کو لوٹنے کا نیاسلسلہ شروع ہو گیا ہے جس سے بڑے بڑے عجوبے سامنے آنے لگے ہیں.

ای چالان شہریوں کو بھیجے جاتے ہیں تو وہ غلط پتے پر ہوتے ہیں جس کی وجہ سے وہ موصول نہیں ہو پاتے بعد ازاں ٹریفک پولیس گاڑیوں کو پکڑ لیتی ہے اور بھاری جرمانے عائد کرتی ہے، گاڑیوں کو بند بھی کر دیا جاتا ہے جبکہ مالکان کو بھی تنگ کیا جاتا ہے

شہریوں نے ای چالان کے خلاف احتجاج کیا ہے اور کہا ہے کہ ای چالان اگر کرنا ہے تو اسے کم از کم صحیح ایڈریس پر بھجوایا جائے اور گاڑیوں کی پکڑ دھکڑ کا سلسلہ بند کیا جائے،

اس سلسلے میں متعلقہ محکمے سے باغی ٹی وی نے ان کا رد عمل لینے کے لیے رابطہ کیا . سیف سٹی کے اس نمبر پر 0499051606 انتظار کروا کر کال ختم کردی گئی، ساتھ یہ کہا گیا کہ ایک ہی لائن ہے وہ مصروف ہے بعد میں رابطہ کر کے دیکھیں. پھر رابطے پر بھی کوئی جواب نہیں دیا گیا .