شیخ رشید کی کینڈین ہائی کمیشنر سے ملاقات، دو طرفہ تعلقات کو مزید مستحکم بنانے پر اتفاق

وزیر داخلہ شیخ رشید احمد سے کینیڈا کی ہائی کمشنر برائے پاکستان وینڈی کرسٹین گلمور نے ملاقات کی ہے، ملاقات میں پاک کینیڈا دوطرفہ تعلقات سمیت افغانستان اور خطے کی مجموعی صورت حال پر تفصیلی تبادلہ خیال کیا گیا ہے.

ملاقات میں اتفاق کیا گیا ہے کہ افغانستان میں پائیدار امن خطے کی ترقی اورافغان شہریوں کی خوشحالی کے لئے ناگزیر ہے، افغان شہریوں کی انسانی بنیادوں پر امداد ضروری ہے۔غذائی قلت پیدا ہونے کے عوامل کو ختم کرنے کی ضرورت ہے، پاکستان اور کینیڈا کے درمیان تعلقات انتہائی دیرینہ ہیں۔ مزید فعال بنانے کی ضرورت ہے.

وزیر داخلہ شیخ رشید نے کہا ہے کہ پاکستان افغانستان میں امن اور سیاسی استحکام کے لئے اپنا کردار کرتا رہے گا، افغانستان ایک خود مختار ملک ہے؛ اپنے فیصلے خود لینے کے لئے بااختیار ہے، افغانستان کی حکومت کو مشورہ دے سکتے ہیں؛کسی خاص فیصلے پر مجبور نہیں کرسکتے، طالبان حکومت کو اس وقت فنڈز اور انسانی وسائل کی کمی کا سامنا ہے، مالی اور انسانی وسائل کی کمی سے حکومت چلانا طالبان کے لئے ایک بڑاچیلنج ہوگا.

وزیر داخلہ شیخ رشید احمدسے کینیڈا کی ہائی کمشنر برائے پاکستان وینڈی کرسٹین گلمور (Her Excellency Ms. Wendy Christine Gilmour) کی ملاقات pic.twitter.com/dKeP10OEQL

— Baaghi TV باغی ٹی وی (@BaaghiTV) September 28, 2021

وزیر داخلہ شیخ رشید نے مزید کہا ہے کہ بین الاقوامی برادری طالبان کو وقت اور وسائل دے؛ امید ہے طالبان اپنے وعدوں پر مکمل عملدآمد کرینگے، افغانستان سے انخلاء میں بین الاقوامی برادری کی مدد اور معاونت جاری رکھیں گے، کینیڈا میں مقیم پاکستانی دونوں ملکوں کی سماجی اور معاشی ترقی میں کردار ادا کررہے ہیں.

کینیڈین ہائی کمشنر نے کہا ہے کہ کینیڈین ہائی کمیشن کی درخواست پر افغان شہریوں کے انخلاء پر پاکستان کے مشکور ہیں، پاکستان کا افغانستان سے غیر ملکی اور افغان شہریوں کو نکالنے میں کردار غیر معمولی کارنامہ ہے، موجودہ حالات میں افغان شہریوں کے لئے انسانی بنیادوں پر امداد کی ہے، پاکستان کی طرف سے تیس لاکھ افغان مہاجرین کی دیکھ بھال قابل رشک ہے.

پاکستان کینیڈا کی درخواست پر مزید افراد کو افغانستان سے نکالنے میں معاونت فراہم کریگا۔ وزیر داخلہ شیخ رشید کی ہائی کمشنر کو یقینی دہانی کروائی گئی ہے.