شریف فیملی آوٹ ہوگئی ، آئندہ سیاست میں نہیں دیکھ رہا، سیاسی نجومی شیخ رشید کا دعویٰ

اسلام آباد:نواز شریف اور شہباز شریف کے خلاف کرپش کے بہت سے کیسز کے حوالے سے شیخ رشید نے دعویٰ‌کیا ہے کہ وہ نواز شریف اور فیملی کو آئندہ سیاست میں نہیں دیکھ رہا۔ شہباز شریف کا کیس بہت سنجیدہ ہوگیا ہے، وہ حمزہ کو بچانے میں ناکام ہوگئےہیں۔

راولپنڈی میں میڈیا سے گفتگو کرتے ہوئے وفاقی وزیر ریلوے شیخ رشید نے کہا کہ میں نے پہلے ہی کہا تھا جو جتنا چیخے گا سمجھ لیں اس کا نمبر لگ گیا ہے۔ یہ بیلینز روپے کا کیس ہے، اس کیس میں مبین صولت اور عابد سعید وعدہ معاف گواہ بن چکے ہیں۔

شیخ رشید نے کہا کہ مجھے افسوس کے ساتھ کہنا پڑ رہا ہے کہ منی لانڈرنگ کے الزامات میں معزز خواتین کو بھی دیکھ رہا ہوں۔ ان لوگوں نے اپنے پیسے کیلئے فالودے والے، چورن والے اور دہی بھلے والے کو استعمال کیا۔ ویڈیو اسکینڈل مریم نواز کیلئے مسائل پیدا کرے گی۔ شہباز شریف کا کیس بہت سنجیدہ ہوگیا ہے، وہ حمزہ کو بچانے میں ناکام ہوگئےہیں۔

شیخ رشید نے کہا کہ اپوزیشن کو اصل تکلیف یہ ہے کہ عمران خان انہیں این آر او نہیں دے رہا۔ ایک ریاست کے سربراہ نے بھی درمیانی راستہ نکالنے کی بات کی لیکن عمران خان نے صاف انکار کردیا۔

ایک سوال پر انہوں نے کہا کہ مولانا فضل الرحمان بزرگ سیاستدان ہیں۔ اگر وہ اسلام کیلئے نکلیں تو سب ان کے ساتھ ہیں لیکن اگر اسلام آباد کیلئے سڑکوں پر آئے تو کوئی ان کا ساتھ نہیں دے گا

جواب چھوڑیں

آپ کا ای میل ایڈریس شائع نہیں کیا جائے گا.