تھانہ کوہسار مقدمے میں شیخ رشید کی ضمانت میں توثیق

اسلام آباد: ڈسٹرکٹ اینڈسیشن کورٹ نے تھانہ کوہسار مقدمے میں سابق وفاقی وزیر کی ضمانت کی توثیق کردی-

باغی ٹی وی:اسلام آباد کی ڈسٹرکٹ اینڈسیشن کورٹ میں عوامی مسلم لیگ کے سربراہ شیخ رشید کی درخواست ضمانت پر سماعت ہوئی، ایڈیشنل ڈسٹرکٹ اینڈ سیشن جج طاہرعباس سپرا نے سماعت کی شیخ رشید اپنے وکلا کے ہمراہ عدالت میں پیش ہوئے، عدالت نے شیخ رشید کی ضمانت منظور کرلی اور تھانہ کوہسار مقدمہ میں ان کی ضمانت کی توثیق کردی۔

ڈسٹرکٹ کورٹ کے باہرمیڈیا سے بات کرتے ہوئے شیخ رشید احمد کا کہنا تھا کہ عدالت سے یہاں بھی ضمانت کنفرم ہوگئی ہے، 20 تاریخ کو لاہور ہائیکورٹ میں پتا چلے گا مجھ پر کل کتنے کیسز ہیں، تاہم کیسز جھوٹ پر مبنی ہیں، 10 دسمبر سے الیکشن مہم شروع کر رہے ہیں، چیف جسٹس نے کہا ہے کہ الیکشن ہوں گے تو میری کیا اوقات کہ کچھ کہوں، اصل مسئلہ معاشی ہے، لوگوں کے حالات بس سے باہر ہو گئے ہیں۔

نگران وزیراعظم اور بل گیٹس کے درمیان ٹیلی فونک رابطہ

پنجاب سمیت بیشتر حصوں میں صبح کے اوقات میں دھند اور سموگ کا امکان

غزہ جنگ: اردن میں کرسمس کی روایتی تقریبات منسوخ