پاکستان شوبز انڈسٹری کے سینئیر اداکار، گلوکار اور میزبان خالد انعم نے کراچی میں طوفانی بارشوں کی تباہی کے بعد وزیر اعظم عمران خان سے کراچی کے شہریوں کی مدد کی اپیل کر دی-

باغی ٹی وی : اداکار ،گلوکار و میزبان خالد انعم نے اپنے سوشل میڈیا انسٹاگرام اکاؤنٹ پر اس وقت وزیر اعظم سے اپیل کی جب عمران خاں نے خود ہی کراچی میں ہونے والی طوفانی بارشوں کے بعد اپنی ایک ٹوئٹ میں کہا تھا کہ وفاقی حکومت کراچی کو تنہا نہیں چھوڑے گی۔

My govt is fully cognizant of the suffering of our people in the wake of the heavy rains, especially the people of Karachi. I am personally monitoring the relief & rescue operations & am in constant contact with Chairman NDMA & Governor Sindh for regular updates.

— Imran Khan (@ImranKhanPTI) August 27, 2020

وزیراعظم نے کہا تھا کہ شدید بارشوں کے تناظر میں میری حکومت عوام خصوصاً کراچی کے لوگوں کو درپیش مشکلات سے بخوبی آگاہ ہے اور میں امدادی کارروائیوں کی ذاتی طور پر نگرانی کر رہا ہوں-

Have directed Chairman NDMA to immediately not only rescue stranded ppl, but also provide emergency medical assistance, food & shelter to all those in need. I have also asked NDMA Chairman to ensure restoration of utilities on an emergency basis.

— Imran Khan (@ImranKhanPTI) August 27, 2020

انہوں نے کہا تھا چیئرمین این ڈی ایم اے کو ہدایات دی ہیں کہ پانی میں پھنسے لوگوں کو صرف بچانے پر ہی اکتفا نہ کریں بلکہ فوری طور پر ضرورت مند افراد کے لیے ہنگامی طبی امداد، خوراک اور پناہ گاہ بھی فراہم کریں۔

We will be announcing a plan for a permanent solution to the problems caused by floods by cleaning of nullahs, fixing of the sewage system & resolving the huge challenge of water supply to the ppl of Karachi. We will not abandon the people of Karachi in their time of crisis.

— Imran Khan (@ImranKhanPTI) August 27, 2020

انہوں نے مزید کہا تھا کہ ہم سیلاب سے پیدا ہونے والے مسائل کے مستقل حل کے لیے نالوں کی صفائی، نکاسی آب کے نظام کی اصلاح اور کراچی کے عوام کو پانی کی فراہمی جیسے بڑے چیلنج پر قابو پانے کے منصوبے کا اعلان کریں گے۔

وزیراعظم نے کہا تھا میں بحران کے اس وقت میں کراچی کے عوام کو تنہا نہیں چھوڑوں گا۔
https://www.instagram.com/p/CEZB43QpQdx/?utm_source=ig_embed
جس کے بعد اداکار خالد انعم نے انسٹاگرام پر ویڈیو شئیر کی جس میں انہوں نے کہا کہ ہماری لائٹ نہیں ہے جنریٹر چل رہا ہے انہوں نے کہا میں نے ٹی وی پر ٹکرز چلتے دیکھے کہ وزیراعظم عمران خان نے کہا ہے کہ ہم مشکل گھڑی میں کراچی کو اکیلا نہیں چھوڑیں گے۔

انہوں نے مزید کہا کہ بس آپ کو بتانا تھا کہ مؤدبانہ عرض ہے کہ مشکل گھڑی ہے اور ہم اکیلے ہیں۔
https://www.instagram.com/p/CEaBphDJJZ1/?utm_source=ig_embed
علاوہ ازیں اداکار نے بارش کے دوران بجلی کی عدم فراہمی پر بھی طنزیہ پوسٹ کرتے ہوئے لکھا کہ سڑک پہ ہے پانی نلوں میں نہیں ہے بادل میں بجلی گھروں میں نہیں ارے ایسے ساون کا اب ہم کیا کریں تیل اب ان تلوں میں نہیں- پوسٹ کے کیپشن میں انہوں نے ہیش ٹیگ باران زحمت بھی استعمال کیا-

خیال رہے کہ کراچی سمیت صوبہ سندھ کے مختلف اضلاع میں گزشتہ روز ہونے والی طوفانی بارشوں کی وجہ سے پریشان حال شہریوں کی مشکلات میں مزید اضافہ ہوگیا ہے کئی گھنٹوں تک ہونے والی مسلسل بارش کے نتیجے میں شہر کی مرکزی شاہراہیں، علاقے، کاروباری مراکز زیر آب آگئے جبکہ بیشتر علاقوں میں اب تک بجلی کی فراہمی بھی تعطل کا شکار ہے۔

اکثر علاقوں میں بارش کا پانی گھروں میں داخل ہوگیا تھا جبکہ سیلابی صورتحال کے باعث کراچی میں ایم اے جناح روڈ پر رکھے کنٹینرز بھی برساتی پانی میں بہتے ہوئے نظر آئے کراچی کی صورتحال پر جہاں عوام حکومت سے نالاں ہیں وہیں فنکار بھی حکومت کو تنقید کا نشانہ بنا رہے ہیں-

کراچی کےنکاسی کےنظام سے تو بہتر ہزاروں سال قبل موہنجوداڑواورہڑپہ کا نکاسی نظام تھا فخر عالم

بارشوں نے کراچی کو تباہ نہیں کیا بلکہ انہوں نے صرف بوسیدہ نظام کو بے نقاب کیا ہے