شیوسینا نے تاج محل کے اندر بھی پوجا کا اعلان کر دیا

0
28

شیو سینا نے بابری مسجد کے بعد تاج محل کے بھی مندر ہونے کا دعوی، ساون کے مہینے میں تاج محل کے پوجا کرنے کا اعلان
شیو سینا کے صوبائی صدر وینو لوانیا نے ایک پریس کانفرنس کے دوران یہ دھمکی دی۔ دوسری طرف محکمہ آثار قدیمہ نے ضلع انتظامیہ کو خط لکھ کر شیو سینا کو پوجا سے روکنے کا مطالبہ کیا ہے۔
شیو سینا کے صوبائی صدر وینو لوانیا نے ایک پریس کانفرنس سے کہا، ”تاج محل، تیجو مہالیہ ہے اور ہندووں کے عقیدے کی علامت ہے۔ اس کے پیش نظر اس ساون کے مہینے میں چاروں سوموار کو تاج محل کے اندر پوجا کی جائے گی۔“
رام مندر کی تعمیر کیلئے انتہا پسند ہندو تنظیم نے مودی سے بڑا مطالبہ کر دیا

سپرنٹنڈنٹ آرکیالوجسٹ (ماہر آثار قدیمہ) بسنت سورنکار نے ضلع آگرہ کے مجسٹریٹ این جی روی کمار کو خط لکھ کر کہا ہے کہ ماضی میں تاج محل میں کبھی کوئی پوجا نہیں ہوئی ہے۔ لہذا اس روایت کو قائم کرنے سے روکا جائے۔
ایڈیشنل ڈسٹرکٹ مجسٹریٹ (اے ڈی ایم) کے پی سنگھ نے کہا کہ شہر میں امن وامان کی صورت حال کو بگاڑنے کی اجازت کسی کو بھی نہیں دی جائے گی۔ اے ایس آئی (آرکیالوجیکل سروے آف انڈیا) کی درخواست پر تاج محل میں معقول حفاظتی انتظامات کیے جائیں گے۔
دوسری طرف شیو سینا کے وینو لوانیا نے چیلنج کرتے ہوئے کہا ہے کہ ضلع اور پولس انتظامیہ انہیں اور ان کے معاونین کو تاج محل میں پوجا کرنے سے روک کر دکھائیں۔
یاد رہے کہ ہندو شدت پسندوں کی طرف سے تاج محل کے اندر پوجا کرنے کا اعلان پہلے بھی کیا جا چکا ہے۔ گزشتہ سال ہندو وادی تنظیم کی ایک عورت تاج محل کے اندر پوجا کرنے پہنچ گئی تھی۔ قبل ازیں 2008 میں بھی شیو سینا کے کارکنان نے تاج محل میں زبردستی داخل ہو کر پوجا پاٹھ کی تھی۔ جب پولس نے انہیں روکنے کی کوشش کی تو وہ لڑائی جھگڑے پر اتر آئے تھے۔جس کے بعد انہیں گرفتار کر لیا گیا تھا۔

Leave a reply