fbpx

شیخ رشید سے جاپانی سفیر کی ملاقات، مترجم افغانیوں کے انخلا میں پاکستان سےمدد کی درخواست

وزیر داخلہ شیخ رشید احمد سے پاکستان میں جاپان کے سفیر کونینوری مستودا نے ملاقات کی-

باغی ٹی وی : دونوں رہنماؤں نے پاک جاپان دوطرفہ تعلقات سمیت باہمی دلچسپی کے امور پر بات چیت کی جاپانی سفیر نے افغانستان سے غیر ملکیوں کے انخلاء میں پاکستان کی کاوشوں کی تعریف کی اور جاپانی شہریوں اور ترقیاتی اداروں کے عملے کی بروقت معاونت پر پاکستان کا شکریہ ادا کیا-

وزیر داخلہ نے کہا کہ ہم افغانستان میں پائیدار امن کے خواہشمند ہیں افغانستان میں پائیدارامن خطے کی ترقی اور دنیا کے امن کے لئے ناگزیر ہے افغانستان سے غیر ملکیوں سمیت افغان شہریوں کے انخلاء میں بھر پور کام کر رہے ہیں۔

عالمی برادری کو افغان طالبان کو انگیج رکھنا چاہیے،وزیر خارجہ

شیخ رشید احمد نے کہا کہ وزارت داخلہ میں مرکزی سہولت ڈیسک قائم کیا گیا ہے جو چوبیس گھنٹے کام کر رہا ہے پاکستان انسانی بنیادوں پر اپنی ذمہ داریاں نبھا رہا ہے پاکستان پچھلے چالیس سال سے چالیس لاکھ افغان مہاجرین کی میزبانی کررہا ہے۔

جاپانی سفیر نے کہا کہ جاپان حکومتی اداروں کے ساتھ کام کرنے والے افغان شہریوں کے انخلاء میں مدد کی جائےخواہش ہے ہمارے حکومتی اداروں کے ساتھ کام کرنے والے افغان شہریوں کو افغانستان نکالا جائےپاکستان کے لئے افغان مہاجرین کی میزبانی بہت قابل ستائش عمل ہے افغان مہاجرین کے لئے جاپان نے بھی یو این کیساتھ ملکر اب تک 164 ملین ڈالر کی امداد کی ہے۔

ملاقات کے دوارن وزیر داخلہ کی جاپان حکومت کی سفارش پر افغان شہریوں کے انخلاء میں بھر پور معاونت کی یقین دہائی کرائی-

ہم یہ کام نہیں ہونے دیں گے، شہباز شریف کا اپوزیشن کی مشترکہ کمیٹی بنانے کا فیصلہ

 

Facebook Notice for EU! You need to login to view and post FB Comments!