جہاں قومی ہیروزکی تذلیل ہوتی ہووہاں بیٹھےرہنا توہین ہے:شعیب اخترنےPTVاسپورٹس سے استعفیٰ دے دیا

0
18

دبئی:جہاں قومی ہیروز کی تذلیل ہوتی ہووہاں رُک جانا توہین ہے:شعیب اختر نے پی ٹی وی اسپورٹس سے استعفیٰ دے دیا،اطلاعات کے مطابق پاکستان کے سابق فاسٹ باولرشعیب اخترنے پی ٹی وی اسپورٹس سے اینکر کے جارحانہ رویے پراحتجاجا اٹھ کرچلے گئے اورساتھ ہی اس پروگرام سے استعفے کا اعلان بھی کردیا ،

ذرائع کے مطابق اس حوالے سے یہ بھی معلوم ہوا ہے کہ پاکستان ٹیلی ویژن (پی ٹی وی ) سپورٹس کے اینکر پرسن ڈاکٹر نعمان نیاز نے تجزیہ پسند نہ آنے پر شعیب اختر کو سٹوڈیو سے نکلنے کا حکم دے دیا۔

پی ٹی وی پر پاکستان اور نیوزی لینڈ کے میچ کے دوران تجزیے کے دوران ڈاکٹر نعمان نیاز نے سابق فاسٹ باؤلر کی براہ راست نشریات کے دوران بے عزتی کردی اور انہیں سٹوڈیو چھوڑنے کا حکم دے دیا۔

 

 

یہ بھی معلوم ہوا ہے کہ فاسٹ باولرشعیب اختر لاہور قلندرز کے پلیئرز ڈویلپمنٹ پروگرام کی بات کر رہے تھے۔ اس دوران نعمان نیاز نے کہا کہ شاہین آفریدی پاکستان کیلئے اچھا کھیلے ہیں۔ اس پر شعیب اختر نے کہا کہ "سرمیں حارث رؤف کی بات کر رہا ہوں۔”

اس دوران شعیب اختر کا” سر” کہنا یا شاید "حارث رؤف” کا نام لینانعمان نیاز کو پسند نہیں آیا اور انہوں نے سپیڈ سٹار کی لائیو نشریات میں بے عزتی کردی۔

اس موقع پر حارث رؤف کا نام لینے پر نعمان نیاز نے اچانک کہا "آپ بدتمیزی کر رہے ہیں، آپ اوور سمارٹ ہو رہے ہیں۔” اس پر شعیب اختر ہنسنے لگے اور سمجھا کہ شاید ایسے ہی مذاق میں بات ہو رہی ہے لیکن نعمان نیاز نے کہا کہ "آپ سٹوڈیو چھوڑ کر جاسکتے ہیں ، میں یہ بات لائیو کہہ رہا ہوں۔”

شعیب اختر کا کہنا ہے کہ پہلے تو سمجھ ہی نہیں آئی کہ ان کے ساتھ کیا ہوا ہے لیکن جب نعمان نیاز نے ” میں یہ بات لائیو کہہ رہا ہوں” کہا تو شعیب اختر کو سمجھ آگئی، انہوں نے ایکسیوز می ہی کہا تھا کہ نعمان نیاز نےوقفہ لے لیا۔

وقفے کے دوران ممکنہ طور پر سٹوڈیو میں موجود سینئر کھلاڑیوں سر ویون رچرڈ، عاقب جاوید، اظہر محمود اور عمر گل نے معاملہ حل کرادیا کیونکہ میچ کے خاتمے کے بعد شعیب اختر پی ٹی وی سپورٹس کے سٹوڈیو میں بیٹھے تجزیہ کرتے ہوئے نظر آئے۔

Leave a reply