شعیب ملک کی ریٹائرمنٹ پر ثانیہ مرزا جذباتی ہو گئیں، کیا کہا؟ جانیے اس خبر میں‌

پاکستان کرکٹ ٹیم کے مایہ ناز آل راؤنڈر اور سینئر کھلاڑی شعیب ملک کے ایک روزہ کرکٹ سے ریٹائرمنٹ کے اعلان پر ان کی اہلیہ ثانیہ مرزا جذباتی ہو گئیں اور انہوں نے سوشل میڈیا پر پیغام لکھتے ہوئے پاکستان کیلئے خدمات انجام دینے پر سراہا ہے.


باغی ٹی وی کی رپورٹ کے مطابق شعیب ملک کی اہلیہ ثانیہ مرزا نے ٹویٹر پر ٹویٹ کرتے ہوئے لکھا ہے کہ ہرکہانی کا اختتام ہے، لیکن اس زندگی میں ہراختتام کی ایک نئی شروعات ہوتی ہے، شعیب آپ نے 20 سال تک اپنے ملک پاکستان کے لیے خدمات انجام دیں، آپ اسے عزت اورعاجزی کے ساتھ جاری رکھیں۔ آپ نے جو کچھ بھی حاصل کیا اس کے لیے مجھے اورازہان کو آپ پر فخر ہے، لیکن اس سے بھی زیادہ آپ جو ہیں ہمیں اس پرفخر ہے۔

شعیب ملک نے ورلڈ کپ کے موقع پر جون میں‌ ہی اس اہم ایونٹ کے اختتام پر اپنی ریٹائرمنٹ کا اعلان کر دیا تھا. بنگلہ دیش کے خلاف کھیلا جانےو الا میچ ان کا ون ڈے کرکٹ کا آخری میچ تھا. اپنی ریٹائرمنٹ پر انہوں نے ساتھی کھلاڑیوں‌ کا شکریہ ادا کیا تاہم اس صورتحال پر ان کی اہلیہ ثانیہ مرزا نے ٹویٹر پر جذباتی پیغام تحریر کیا اور اپنے جذبات کا اظہار کیا.

واضح‌ رہے کہ شعیب ملک کا کہنا تھا کہ وہ اپنے کیرئر سے مطمئن ہیں اور ریٹائرمنٹ کے بعد اپنی فیملی کے ساتھ وقت گزاریں گے اور ٹی ٹونٹی کرکٹ کی طرف توجہ دیں‌ گے. شعیب ملک کی ریٹائرمنٹ پر بعض‌ ساتھی کھلاڑی بھی افسردہ نظر آئے.

جواب چھوڑیں

آپ کا ای میل ایڈریس شائع نہیں کیا جائے گا.