اصل زندگی آخرت کی ہی زندگی ہے،شوبزکوخیرباد کہنےوالےستارے

0
32

لاہور:شوبزکی دنیا کی کوئی حقیقت نہیں ،اصل زندگی ہی آخرت کی زندگی ہے، اللہ ہمیں معاف فرمادے ،معافی مل گئی توکامیابی مل گئی ،یہ ہیں ان ستاروں کے دلوں‌کی آواز جنہوں‌نے شوبز کی دنیا کوخیرباد کہتے ہوئے خالصتا دینداری کی زندگی اپنائی

باغی ٹی وی کے مطابق دنیامیں بہت سے اداکاروں ،فنکاروں اورگلوکاروں نے شوبزکی دنیاکوخیربادکہتے ہوئےاپنی زندگیوں میں‌انقلاب برپا کردیا ،ان میں‌سے کئی ہالی وڈ اوربالی وڈ کےاداکار،فنکاراورگلوکارتھے جنہوں‌نے نہ صرف شوبز کی دنیا ہی چھوڑ دی بلکہ غیرمسلم ستارے دین اسلام قبول کرکے مسلمان بن گئے اوراپنی بقیہ زندگی اسلام کے مطابق گزاررہے ہیں،

پاکستان کے بھی معروف فلمی ستاروں نے شوبز کی دنیا کو نہ صرف ہمیشہ ہمیشہ کے لیے چھوڑا بلکہ اپنی بقیہ زندگیوں کو اسلام کے مطابق گزارنے کا عہد کیا.ان ستاروں نے سچی توبہ کرکے نہ صرف اپنی عاقبت کو بچالیا بلکہ ان کودیکھ کرکئی اوربھی فلمی ستارے دین کی طرف آتے دیکھے ہیں‌،

پاکستان میں چند سالوں میں جن فلمی ستاروں‌نے شوبز کی دنیا کو ہمیشہ ہمیشہ کے لیے خیربادکہا ان میں‌معروف گلوکارجنیدجمشیدہیں‌،جنید جب گلوکارتھے تودنیامیں شہرت کےہرسوچرچے ہی چرچے تھے ، اورجب دین کی طرف آئےتوپھرتونہ صرف دنیا میں چرچے ہوگئے بلکہ اللہ کے دین سے محبت کرنے والوں میں بھی چرچے ہوگئے


خاتون فنکارہ،گلوکارہ نوربخاری نے بھی شوبز کی دنیا کو خیرباد کہتے ہوئے دین اسلام کوپسند کرتےہوئے اپنی زندگی اسلام کے مطابق گزارنے کا عہدکرکے ایک مثال قائم کی

شوبز کی دنیا کے ایک اورستارے علی افضل نے بھی اس دنیا کو خیرباد کہتے ہوئے دین اسلام کے طرز معاشرت کے مطابق زندگی بسرکرنے کا اعلان کیاتوساتھی حیران ہی رہ گئے ،علی افضل کہتے ہیں‌کہ اللہ نے اس کی زندگی میں دین سے شغف پیداکرکے بہت بڑااحسان کیا ہے، جس کی وجہ سے وہ دین کی طرف مائل ہوئے اورآج ایک اسلامی زندگی گزاررہےہیں‌


پاکستان فلم انڈسٹری کی ایک اورسابقہ سٹارعروج ناصربھی ان چند خواتین میں سے ایک ہیں‌جس نے شوبز کی دنیا کوخیرباد کہتے ہوئے اسلامی طرززندگی کو پسند کیا اوراپنی بقیہ زندگی اسلام کے سنہری اصولوں کےمطابق گزارنے عہد کیا


شوبز کی دنیا کی جسے ملکہ کہا جاتا تھا اورجس کا ایک نام تھا جب اللہ نے ہدایت دی تو وہی سارہ چوہدری کوشوبزکی دنیا سے اتنی نفرت ہوگئی کہ کوئی تصورنہیں‌کرسکتا،سارہ چوہدری نے نہ صرف شوبز کی دنیاکو ہمیشہ ہمیشہ کےلیے خیرباد کہا بلکہ ایک ایسی زندگی گزار رہی ہیں جسے ایک راسخ العقیدہ مسلمان کوگزارنی چاہیے ،

ستیش خان بھی فلمی دنیاکے ایک مانے ہوئے ستارے تھے ،لیکن جب اللہ نے ہدایت دی تو پھرشوبزنہیں بلکہ دین اورصرف دین ہی کو اپنا اوڑھنا بچھاونا بنا لیا


ماضی قریب اور حال میں بھی پاکستان کی فلمی دنیا کے بہت بڑے اورعظیم ستاروں نے نہ صرف شوبز کی دنیاکو ہمیشہ ہمیشہ کےلیے خیرباد کہہ دیا بلکہ ساتھ اللہ سے اپنے سابقہ گناہوں کی معافی مانگتے ہوئے اپنی بقیہ زندگی اسلام کے مطابق گزارے کا عہد بھی کیا ہے،


پاکستان کے ان معروف ستاروں میں اداکار،فنکار،تجزیہ نگاراورایک مستند صحافی حمزہ علی عباسی کو بھی یہ اعزاز حاصل ہے جسے اللہ نے اپنی رحمت کی لپیٹ میں‌لیتے ہوئے اخروی زندگی پرگامزن کردیا . حمزہ علی عباسی سے پہلے حمزہ علی عباسی کی اہیلہ نمل خاور کو اللہ کی یہ توفیق حاصل ہوئی جس نے شادی کے ساتھ ہی یہ اعلان کردیا کہ اب وہ شوبز کی دنیا سے ہمیشہ ہمیشہ کے لیے دورجارہی ہے، اور اپنی بقیہ زندگی اسلام کے مطابق گزارنا چاہتی ہے، یوں حمزہ علی عباسی پراہلیہ نمل خاورعباسی سبقت لے گئیں

 

تازہ ترین واقعہ میں پاکستان کی معروف فلمی شخصیت گلوکارہ اورماڈل رابی پیرزادہ بھی ان خواتین میں سے ہیں‌جس نے شوبزاورناچ گانے کی دنیا سے بیزاری کا اعلان کرتے ہوئے اپنی بقیہ زندگی اسلام کے مطابق گزارنے کا نہ صرف اعلان کیا ہے بلکہ عہد بھی کیا ہے اور اپنی سابقہ غلطیوں پرنہ صرف اللہ سےمعافی ہے بلکہ اپنی قوم سے معافی مانگتے ہوئے کہا ہےکہ وہ بھی رابی کی بخشش کےلیے اللہ سےدعا کریں

Leave a reply