fbpx

کراچی: شوہرسابق اہلیہ پر تیزاب پھینک کر فرار

تیزاب گردی کے نتیجے میں خاتون کا چہرہ اور ہاتھ بری طرح جھلس گئے

کراچی: کورنگی غریب نواز کالونی میں گھر میں سوئے ہوئے شخص کو فائرنگ کرکے قتل کردیا گیا دوسری جانب کراچی کے علاقے پاک کالونی میں شوہر سابق اہلیہ پر تیزاب پھینکنے کے بعد فرار ہوگیا-

باغی ٹی وی : تفصیلات کے مطابق منگل اوربدھ کی درمیانی شب کورنگی تھانے کے علاقے سیکٹر 34/3 بنگالی کیمپ غریب نواز کالونی میں واقع مکان نمبر441 میں فائرنگ سے ایک شخص ہلاک ہو گیا۔

ڈکیتی کے ملزم گرفتار، لوٹی گئی رقم واپس کروائی جائے، پی ایم اے کے اجلاس میں…

پولسی کے مطابق مقتول کی شناخت 50 سالہ محمد انوار ولد یعقوب عمر کے نام سے کی گئی مقتول ٹھیلے پر پکوڑے فروخت کرنے کا کام کرتا تھا۔

پولیس کے مطابق مقتول اپنے گھرمیں سو رہا تھا اور اسی دوران نامعلوم ملزمان نے گھرکی کھڑکی سے فائرنگ کی گولی کھڑی کا شیشہ توڑتے ہوئے مقتول کو جا لگی اور وہ موقع پرجاں بحق ہوگیا۔

پولیس کے مطابق جائے وقوع سے نائن ایم ایم پستول کا ایک خول بھی ملا ہے پولیس کا کہنا ہے کہ قتل ذاتی دشمنی کا شاخسانہ معلوم ہوتا ہے۔

ایک اور واقعے میں کراچی کے علاقے پاک کالونی میں شوہر سابق اہلیہ پر تیزاب پھینکنے کے بعد فرار ہوگیا پولیس کا کہنا ہے کہ پاک کالونی بڑا بورڈ کے قریب فرحان نامی شخص اپنی سابق اہلیہ صائمہ پر تیزاب پھینک کر موقعے سے فرار ہو گیا۔

پولیس کے مطابق واقعے کے وقت متاثرہ خاتون ڈیوٹی پر جا رہی تھیں کہ ان کے سابق شوہر نے ان پر تیزاب پھینک دیا، تیزاب گردی کے نتیجے میں خاتون کا چہرہ اور ہاتھ بری طرح جھلس گئے۔

منشاء گروپ نامی گینگ کی خواتین بھی گرفتار،کرتی تھیں گھناؤنا کام

پولیس کا کہنا ہے کہ تیزاب حملے کے بعد ملزم وقوعہ سے فرار ہونے میں کامیاب ہو گیا تھا تاہم خفیہ اطلاع پر پولیس نے چھاپہ مار کارروائی کرتے ہوئے ملزم کو گرفتار کرلیا ملزم کے خلاف پاک کالونی تھانے میں مقدمہ درج کرکے مزید تفتیش شروع کردی گئی ہے۔

ادھر کراچی کے علاقے پیر الہی بخش کالونی میں موٹرسائیکل سوار بزرگ اور نوجوان اسٹریٹ کرمنلز اسلحے کے زور پر شہری سے موبائل فون چھین کر فرار ہو گئےاسٹریٹ کرمنلز کی شہری سے موبائل فون چھیننے کی سی سی ٹی وی ویڈیو سوشل میڈیا پر وائرل ہو رہی ہے۔

ویڈیو میں دیکھا جاسکتا ہے کہ ملزمان گلی میں بیٹھے ہوئے ایک شخص کے پاس رکتے ہیں، بزرگ موٹرسائیکل پر بیٹھا رہتا ہے، نوجوان گلی میں فون پر بات کرنے میں مصروف شہری سے موبائل فون چھینتا ہے، اس کے بعد دونوں وہاں سے فرار ہوجاتے ہیں۔

دوسری جانب شاہراہ نور جہاں تھانے کے علاقے نارتھ ناظم آباد ڈی سلواٹاؤن میں شادی کی تقریب میں کی جانے والی ہوائی فائرنگ سے ایک نوجوان زخمی ہو گیا جسے فوری طور پرعباسی شہیداسپتال منتقل کیا گیا جہاں زخمی کی شناخت 22 سالہ جلال خان ولد جمال خان کے نام سے کی گئی پولیس نے واقعہ سے متعلق شواہد جمع کرکے تفتیش شروع کردی ہے۔

کراچی : کوریئرآفس میں کینیڈا کیلئے بُک پارسل سے منشیات برآمد،اسلام آباد انٹرنیشنل…