شوہر نے جھگڑے کے دوران بیوی کو پھندا لگا کر قتل کردیا

0
16

کراچی : سرجانی ٹاؤن میں شوہر نے جھگڑے کے دوران بیوی کو پھندا لگاکر قتل کردیا، پولیس نے ملزم شوہر کو گرفتار کرلیا .

تفصیلات کے مطابق سرجانی ٹاؤن تھانے کی حدود سیکٹر ایل ون مکان نمبر ایک تین میں خاتون کی پھندا لگی لاش کی موجودگی کی اطلاع پاکر پولیس نے موقع پر پہنچ کر لاش کو تحویل میں لیکر کارروائی کے لئے عباسی شہید اسپتال منتقل کیا ۔ پولیس کے مطابق اسپتال میں مقتولہ کی شناخت 26 سالہ لاریب زوجہ ذوالفقار کے نام سے ہوئی ہے، پولیس کا کہنا ہے کہ مقتولہ کو اس کے شوہر ذوالفقار نے پھندا لگاکر قتل کیا ہے تاہم پولیس نے ملزم شوہر کو گرفتار کرکے واقعہ کی مزید تفتیش شروع کردی ہے ۔

Leave a reply