کراچی: عمران خان کی بطور وزیراعظم برطرفی پر شوبز فنکاروں نے ان کے ساتھ اظہار یکجہتی کیا ہے۔
باغی ٹی وی : متحدہ اپوزیشن کی جانب سے جمع کرائی گئی تحریک عدم اعتماد کی کامیابی کے بعد عمران خان اب وزیراعظم نہیں رہے۔ ان کے عہدے سے فارغ ہونے پر فنکار برادری نے ان کے ساتھ اظہار یکجہتی کرتے ہوئے امید ظاہر کی ہے کہ عمران خان اب زیادہ مضبوط ہوکر واپس آئیں گے۔
My dear Kaptaan more power to you.let’s prepare for the next elections. I stand with you absolutely Yes
— Samina Peerzada (@SaminaSays) April 9, 2022
سینیئر اداکارہ ثمینہ پیرزادہ جنہوں نے تحریک عدم اعتماد پیش ہونے کے وقت سے ٹوئٹس میں عمران خان کو اپنا کپتان قرار دیتے ہوئے لکھا کہ ان کی حمایت ان کے ساتھ ہے اور ابھی سے آئندہ انتخابات کی تیاری کرتے ہیں۔
GhabrAna nahi hai. It’s a new beginning. 2/3 rd majority is better than a coalition government. Chin up people. We stand with our skipper
— Samina Peerzada (@SaminaSays) April 9, 2022
انہوں نے ایک اور ٹوئٹ میں عمران خان کو مشورہ دیا کہ ’گھبرانا نہیں ہے‘ اتحادی حکومت سے اچھی طاقتور اپوزیشن ہے، آپ ہمارے محافظ ہیں۔
@ImranKhanPTI Your journey as a PM was phase 1 but your journey as a great Leader has started now .the hardships will be your medals ,the negativity you bare will be your scars of war ,this nation needs you ..don’t give up on us ..don’t give up on Pakistan 🇵🇰♥️ #amarbilmaroof pic.twitter.com/Dk88S5NKZx
— Shaan Shahid (@mshaanshahid) April 9, 2022
شان شاہد نے عمران خان کی تصویر شیئر کرتے ہوئے ان کے ساتھ اظہار یکجہتی کیا اور اپنی ٹوئٹ میں انہیں مخاطب ہوتے ہوئے لکھا کہ وزیر اعظم کے طور پر خدمات سر انجام دینا آپ کا پہلا مرحلہ تھا مگر بطور اچھے لیڈر آپ کی کاوشیں اب شروع ہوئی ہیں،مشکلات آپ کے تمغے ہوں گے۔ اس قوم کو آپ کی ضرورت ہے، ہمت نہ ہاریں پاکستان سے دستبردار نہ ہوں۔
Tum kitne Imran bhejo ge
Har ghar se Imran nikley ga !What happened today is sad but trust me when i say , today starts the real revolution.
Yes its much tougher than we thought it would be but "Ghabrana Nahin Hai" !
La illaha illalah . #ImranKhan
— Farhan Saeed (@farhan_saeed) April 9, 2022
گلوکار و اداکار فرحان سعید نے ٹوئٹ کرتے ہوئے کہا تم کتنے عمران بھیجو گے ہر گھر سے عمران نکلے گا آج جو کچھ بھی ہوا افسوسناک تھا لیکن میرا یقین کریں آج سے حقیقی انقلاب شروع ہورہا ہے۔ ہاں یہ اس سے کہیں زیادہ مشکل ہے جتنا ہم نے سوچا تھا لیکن گھبرانا نہیں ہے۔
اداکارہ مایا علی نے بھی تحریک عدم اعتماد پر ووٹنگ کے دن کو پاکستان کی تاریخ کاافسوسناک اور سیاہ ترین دن قرار دیتے ہوئے کہا ہمیں صرف صبر، اتحاد اور یقین کی ضرورت تھی۔ ہم نے ہیرا کھودیا، ہم نے ایک سچے سیاستدان اور ایماندار وزیراعظم کو کھو دیا۔ میں عمران خان کو سلام پیش کرتی ہوں کہ انہوں نے اپنی پوری کوشش کی اور پاکستان کی خودمختاری کے لیے آخری دم تک لڑے، شکریہ کپتان۔ میں جانتی ہوں آپ زیادہ مضبوط ہوکر واپس آئیں گے۔ ایک بار لیڈر ہمیشہ لیڈر ہوتا ہے
اداکارہ حنا خواجہ بیات نے بھی عمران خان کی حمایت میں انسٹاگرام پر ایک پوسٹ اورمختصر ویڈیو بھی شیئر کی، انہوں نے لکھا کہ ایک شخص پاکستان کی سالمیت کے لیے تنہا کھڑا تھا اور ملک کے باقی تمام ادارے کرپٹ سیاسی مافیا کو این آر او دینے کے لیے کھڑے تھے۔
انہوں نے جذباتی پوسٹ میں عمران خان کو مخاطب ہوتے ہوئے لکھا کہ عوام نے ہی انہیں ووٹ دے کر وزیر اعظم بنایا تھا اور دوبارہ بھی وہی ووٹ دے کر انہیں وزیر اعظم بنائیں گے اور اگر وہ ایسا نہ کر سکے تو بے شک ہم غلط کام کرنے والوں میں سے ہوں گے۔
ویڈیو میں انہوں نے کہا کہ خدا فرماتے ہیں کہ جیسی قوم ہوتی ہے، انہیں حکمران بھی ایسے ہی عطا کیے جاتے ہیں؟ انہوں نے سوال کیا کہ کیا پھر وہ قوم بن چکے ہیں کہ ہمارے اوپر کرپٹ اور مسٹر ٹین پرسنٹ کے نام سے مشہور لوگ مسلط ہوگئے؟
اداکارہ زارا نور عباس نے بھی عمران خان کی تصویر شیئر کرتے ہوئے ان کے ساتھ اظہار یکجہتی کیا اور لکھا کہ میرے لیڈر ہمیشہ اور پوری زندگی عمران خان رہیں گے۔
Sad sad sad day in the history of Pakistan…heart is heavy tonight but hope is still alive for a better tomorrow and thats the power of Imran khan.
— Hareem Farooq (@FarooqHareem) April 9, 2022
اداکارہ حریم فاروق نے کہا پاکستان کی تاریخ کا افسوسناک دن۔ آج رات دل بہت بھاری ہے لیکن ایک بہتر کل کی امید ابھی بھی زندہ ہے اور یہی عمران خان کی طاقت ہے۔
Today is a very dark day for Pakistan. We as a nation have lost our most valuable asset. I salute the courage of Imran khan where he fought til his last breathe. He is an example of a true champion and leader. Well played, Captain. 👏🏼
— Zaid Ali (@Za1d) April 9, 2022
معروف یوٹیوبر زید علی نے لکھا آج کا دن پاکستان کی تاریخ کا انتہائی سیاہ دن ہے۔ ہم نے بطور قوم اپنا سب سے قیمتی اثاثہ کھودیا۔ میں عمران خان کی جرات کو سلام پیش کرتا ہوں جہاں وہ اپنی آخری سانس تک لڑے۔ عمران خان سچے چیمپئن اور لیڈر کی مثال ہیں۔ آپ نے بہت اچھا کھیلا کپتان۔
اداکارہ عتیقہ اوڈھو نے عمران خان کی ڈاکیومینٹری کی مختصر ویڈیو شیئر کرتے ہوئے ان کے ساتھ اظہار یکجہتی کرتے ہوئے ان کے ہی قول لکھے کہ ہمیں یہ فیصلہ کرنا ہے کہ ہمیں کس طرح کا پاکستان چاہیے نوجوانو ، آپ کا مستقبل آپ کے ہاتھ میں ہے، ایک زندہ قوم اپنے حقوق کے لیے کھڑی ہوتی ہے، آپ نے غلامی قبول نہیں کرنی،عمران خان
اداکار بلال قریشی نے سابق وزیراعظم کی تصویر شیئر کراتے ہوئے انتہائی مایوسی کے عالم میں لکھا ’’پاکستان ہار گیا‘‘۔
اداکارہ ایمن خان نے بھی عمران خان کی تصویر شیئرکی اور ان کے ساتھ اظہاریکجہتی کرتے ہوئے لکھا آپ ایک سچے لیڈر ہیں۔
“ کون ھوگا جو عمران خان جیسے لیڈر کی قدر نہیں کرے گا ۰۰۰۰ کون ؟
ایسا شخص تو کبھی پاکستان کی تاریخ میں آیا ھی نہیں۰۰۰ سچا ۰ایماندار ۰بے لوث۰ بہادر۰ دین دار۰ اور حق گو
— VEENA MALIK (@iVeenaKhan) April 10, 2022
اداکارہ وینا ملک نے اپنے ٹوئٹ میں کہا کون ہوگا جو عمران خان جیسے لیڈر کی قدر نہیں کرے گا، ۔کون؟ ایسا شخص تو کبھی پاکستان کی تاریخ میں آیا ہی نہیں۔۔سچا، ایماندار، بے لوث، بہادر، دین دار اور حق گو۔
Today, more than ever, I am so proud of my leader #ImranKhan. He brought the corrupt to their knees single-handedly. The final victory will be of righteousness inshaAllah.
Long live IK!
— Rohail Hyatt 🇵🇰 (@rohailhyatt) April 9, 2022
موسیقار روحیل حیات نے بھی عمران خان کے ساتھ اظہار یکجہتی کرتے ہوئے لکھا کہ انہوں نے تن تنہا کرپٹ لوگوں کو آڑے ہاتھوں لیا۔
اداکارہ یمنیٰ زیدی نے عمران خان ساتھ دیتے ہوئے انقلابی شاعر فیض احمد فیض کی نظم شیئر کرتے ہوئےعمران خان سے یکجہتی کا اظہار کیا۔
Pakistan..
Hurts to be a bystander in this political circus. This is our country too.
By not going for general elections, all we can do is sit and watch a select few decide Pakistan’s fate.. Are we really that helpless?
Is every opposition going to bring down EVERY government?— Momina Mustehsan (@MominaMustehsan) April 8, 2022
گلوکارہ مومنہ مستحسن نے بھی ٹوئٹ کی مگر انہوں نے عمران خان کا نام نہیں لکھا اور واضح طور پر ان کی حمایت نہیں کی، انہوں نے ملک میں آئینی و قانونی بحران سمیت سیاسی سرکس پر بات کی اور سوال اٹھایا کہ کیا ہر بار اپوزیشن حکومتیں گراتی رہیں گی؟
