آرمی چیف جنرل سید عاصم منیر نے جی ایچ کیومیں تقسیم اعزازات تقریب میں شرکت کی
آرمی چیف جنرل سید عاصم منیر نےجوانوں ، افسران کوانکی خدمات کےاعتراف میں اعزازات سےنوازا ،آرمی چیف نے شہداء کے لواحقین کو انکے بہادر شہید بیٹے ،باپ ،شوہر کو انکی شاندار بہادری اور ملک و قوم کی بے مثال خدمت کے اعتراف میں عسکری اعزازات سے نوازا۔
شہداء اور غازیوں کو خراجِ عقیدت پیش کرتے ہوئے آرمی چیف نے کہا،“شہداء اور غازی ہمارا لازوال فخر ہیں۔ ان کا احترام اور عزت ہر پاکستانی پر مقدس امانت ہے۔ آج جو امن اور آزادی ہمیں حاصل ہے، وہ ان بہادر سپوتوں کی حتمی قربانیوں کا نتیجہ ہے۔”آرمی چیف نے شہداء کے خاندانوں کے حوصلے اور استقامت کو خراج تحسین پیش کیا اور ان کی وطن کے لیے بے مثال قربانیوں کا اعتراف کیا۔
پاکستان آرمی اور قانون نافذ کرنے والے اداروں کے غیر متزلزل عزم کو سراہتے ہوئے، آرمی چیف نے دہشت گردی کے خطرات کو ناکام بنانے اور انسداد دہشت گردی کی کارروائیوں کے دوران اہم دہشت گردوں کو ختم کرنے میں ان کی مسلسل کوششوں کی تعریف کی
